زائِد کا عَرْصہ بِیت چُکا ہے ،  مگرآج بھی لاکھوں مُسَلمانوں کے  دِلوں میں آپ کی مَحَبَّت وعَظَمَت قائِم ودائِم ہے ، لوگ جَوق دَرجَوق  آپ کے  مَزارِ پُر اَنوار پر حاضِری کی سَعادَت پاتے ہیں اوراپنی  خالی جھولیاں مُرادوں سے بھر تے ہیں۔

آپ  رَحْمَۃُ اللہِ تَعَالٰی عَلَیْہ  کا تَعارُف :

آپ  رَحْمَۃُ اللہِ تَعَالٰی عَلَیْہ  کا نام “ عَلی “ والِد کا نام “ عُثمان “ ہے۔ آپ  رَحْمَۃُ اللہِ تَعَالٰی عَلَیْہ  کا سِلسِلۂ نَسَب چھ (6) واسِطوں سے سَیِّدُ الشُّہَدا ، راکِبِ دوشِ مُصْطَفٰی ، حضرتِ سَیِّدُنا امامِ حَسَنِ مُجتَبیٰ رَضِیَ اللہُ تَعَالٰی عَنْہُ سے جاملتاہے ۔ (بزرگانِ لاہور ، ص۲۲۲)آپ رَحْمَۃُ اللہِ تَعَالٰی عَلَیْہ  کی کُنْیَت “ اَبُوالْحَسَن “ ہے۔ (اردو دائرۃ المعارف ، ۹ / ۹۱) جبکہ مَشہور و مَعرُوف لَقَب “ گَنْج بَخْش “ ہے۔  اِس لَقَب کی وَجہِ تَسْمِیَہ(نام رکھنے کی وجہ) کچھ یُوں ہے کہ حضرت خواجۂ خواجگان ، سَیِّدُنا   مُعِینُ الدِّین چِشتی اَجْمیری سَنْجَری   رَحْمَۃُ اللہِ تَعَالٰی عَلَیْہ  جو کچھ عَرْصے  تک آپ  رَحْمَۃُ اللہِ تَعَالٰی عَلَیْہ  کےمَزارِ فائِضُ الاَنْوار پَر مُعْتَکِف رہےاورحضرتِ داتا گَنْج بَخْش  رَحْمَۃُ اللہِ تَعَالٰی عَلَیْہ  کے فُیُوض ِباطِنی سے مالامال ہو کر جب اَلْوَداعی فاتِحہ کےلیے حاضِر ہُوئے تو زَبانِ مُبارَک پر بے ساختہ یہ شِعْر آگیا :

گَنْج بَخْشِ فَیْضِ عالَم ، مَظْہَرِ نُورِ خُدا

ناقِصاں را پِیْرِ کامِل ، کامِلاں را رَہْنُما

                                                حضرتِ سَیِّدُنا سُلطانُ الہِنْدخواجہ غَریب نَواز رَحْمَۃُ اللہِ تَعَالٰی عَلَیْہ  کی زَبانِ مُبارَک سےنِکلا ہوا لَقَب “ گَنْج بَخْش “ آج پورے بَرِّ صَغیر میں گُونج رہا ہے۔ یہاں تک کہ بَعْض لوگ تو آپ  رَحْمَۃُ اللہِ تَعَالٰی عَلَیْہ  کے اِسْمِ مُبارَک سے بھی ناواقِف ہوتے ہیں اور مَحْض “ داتاگَنْج بَخْش “ کے لَقَب سے ہی  یاد کرتے ہیں۔   (محفلِ اولیا ، ص۳۸۸ ، ملخصاً)

                                                میٹھے میٹھے اسلامی  بھائیو!حُضُور داتا گَنْج بَخْش  رَحْمَۃُ اللہِ تَعَالٰی عَلَیْہ  کی وِلادَتِ با سَعادَت کم وبیش 400ھ میں غَزنی شہر میں ہُوئی۔ کچھ عَرصے بعدآپ  رَحْمَۃُ اللہِ تَعَالٰی عَلَیْہ  کاخاندان مَحَلہ ہَجْویر مُنْتَقِل