Shan e Sahaba

Al Quran Books Madani Channel

Magazine Courses Media

آیا تو دیکھا کہ وہ بھی شہیدہو چکے ہیں۔^{(^[1])}

سُبْحٰنَ اللہعَزَّ وَجَلَّ !صحابۂ کرامعَلَیْہِمُ الرِّضْوَان کی شان وشوکت بھی کس قدر اَرْفَع و اَعْلیٰ تھی،باوُجود یہ کہ زَخْموں سے بدن چُور چُور ہیں ،پیاس کی شِدَّت بھی اپنے عُروج پر ہے، مگر قُربان جائیے !اِن نُفُوسِ قُدْسِیَّہ کے جَذبۂ اِیثار پر کہ اِس عالَم میں بھی دیگر صحابۂ کرام عَلَیْہِمُ الرِّضْوَان کی تکالیف کا اِس قدر اِحساس تھا کہ اپنی پیاس کو قُربان کردیا ۔ذرا غور کیجئے کہ ایسے ہوش رُبا(ہوش اُڑا دینے والے) عالَم میں کہ جب عقل بھی کام کرنا چھوڑ دیتی ہے اور ہر شَخْص کوصِرف اپنی ہی فکر ہوتی ہے، مگر ان حضرات کو”یا شیخ اپنی اپنی دیکھ“کے بجائے دوسروں کی فِکْر ستا ئے جارہی ہے کہ اگر میں پی لوں گا تو میرا مُسلمان بھائی پیاسا رہ جائے گا ۔بِلا شُبہ یہ اُن کی عُمدہ تعلیم و تَربِیَت،بُلند پایہ ہمّت اور اللہ عَزَّ وَجَلَّ اور اُس کے حبیب صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ سے کامل مَحَبَّت کانتیجہ تھا،اُن کی اِنہی اَعْلیٰ صِفات کی وجہ سے صَدیاں گُزرجانے کے باوُجود آج بھی رُشد و ہدایت کے اِن روشن سِتاروں کا ذِکْرِ خَیْرمسلمانوں کو قَلْبی تسکین پہنچاتا ہےاور اُن کی شان وعظمت کے نَغْموں کی گُونج ہر سُو سُنائی دیتی ہے۔آئیے! اب یہ بھی سُن لیجئے کہ ’’صَحابی‘‘کہتے کسے ہیں، پہلے شانِ صحابہ میں لکھے ہوئے اشعار سُنیے،جوکہ مکتبۃ المدینہ کی مطبوعہ کتاب"کراماتِ صحابہ"کے شروع میں دِیے ہوئے ہیں۔

دو عالَم نہ کیوں ہو نثارِ صحابہ کہ ہے عرش منزل وقارِ صحابہ

امیں ہیں یہ قرآن و دِینِ خدا کے مدارِ ہُدیٰ اعتبارِ صحابہ

صحابہ ہیں تاجِ رِسالت کے لشکر رسولِ خدا تاجدارِ صحابہ

اِنہی میں ہیں صدیق و فاروق و عثماں اِنہی میں ہیں علی شہوارِ صحابہ

[1]… عیون الحکایات جلد1ص73

Important

Mobile Apps

Contact Us