رکھوں گا۔

صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد

       میٹھے میٹھے اسلامی  بھائیو!شَوّالُ الْمُکَرَّم کا بابَرکت مہینہ جاری وساری ہے۔ یہ وہ مُبارَک  مہینہ ہے کہ جس میں دُنیائے سُنّیت کےعظیم پیشوا، امامِ اہلسُنَّت ، مجدّدِ دین و ملّت،پروانۂ شمعِ رسالت، اعلیٰ حضرت، الشاہ،الحافظ، الحاج امام احمد رضا خان عَلَیْہِ رَحْمَۃُ  الرَّحْمٰن  اس دُنیا میں جَلْوہ گر ہوئے  ۔

       آپ رَحْمَۃُ اللہِ تَعَالٰی عَلَیْہ کی وِلادتِ باسعادت بریلی شریف کے مَحَلّہ جَسولی میں10شَوّالُ المُکرّم1272ہجری بروزہفتہ بَوَقْتِ ظُہربَمُطابق14جون 1856ء کو ہوئی۔(حیاتِ اعلیٰ حضرت ج۱ ص۵۸)آپرَحْمَۃُ اللہِ تَعَالٰی عَلَیْہ کا پیدائشی نام’’ محمد‘‘ہے،آپ کی والدہ ماجدہ مَحَبَّت میں ’’اَمَّن میاں‘‘ فرمایا کرتی تھیں، والد ِماجد و دیگر اَعِزّہ ’’احمد میاں‘‘ کے نام سے یاد فرمایا کرتے تھے۔ آ پ کے جدِّ اَمجد (دادا جان) نےآپ کااسم شریف’’ احمد رضا‘‘رکھا۔اورآپ کاتاریخی نام’’المختار ‘‘ہے(جبکہ کُنْیَت ابو محمد ہے) اور اعلیٰ حضرت رَحْمَۃُ اللہِ تَعَالٰی عَلَیْہ خُود اپنے نام سے پہلے’’عَبْدُالْمُصْطفٰے‘‘لکھا کرتے تھے۔(تجلیاتِ امام احمد رضا ،ص21) چُنانچہ اپنے نعتیہ دیوان"حدائقِ بخشش" میں ایک جگہ فرماتے ہیں۔

خَوْف نہ رکھ رضا ؔؔؔؔؔ  ذرا، تُو تو ہے ’’عبدِ مصطفےٰ‘‘

تیرے لیے اَمان ہے، تیرے لیے اَمان ہے

(حدائقِ بخشش،ص۱۷۹)

چونکہ یہ ماہِ شَوّالُ الْمُکَرَّم اَعلیٰ حضرت رَحْمَۃُ اللہِ تَعَالٰی عَلَیْہ کی  پیدائش کا مہینہ ہے،لہٰذا اسی مُناسبت  سے آپ رَحْمَۃُ اللّٰہ ِتَعَالٰی عَلَیْہ  کی  حیاتِ طیّبہ کے ایک گوشے یعنی آپ رَحْمَۃُ اللہِ تَعَالٰی عَلَیْہ کی عِبادت و رِیاضت کے حوالے سے سُننے کی سَعادت حاصِل کریں گے۔آئیے! بَیان  کا آغاز ایک ایمان افروز حکایت