دوحُلّے پہنائے جائیں گے جن کی قیمت یہ دُنیاادا نہیں کرسکتی تو وہ پوچھیں گے،ہمیں یہ لباس کیوں پہنائے گئے ہیں؟ان سے کہاجائے گا:تمہارے بچوں کے قرآن کو تھامنے کے سبب۔(مستدرک ،کتاب فضائل القرآن، باب من قراالقرآن وتعلمہ الخ، رقم: ۲۱۳۲، ۲/ ۲۷۸) ایک اور مقام پر ارشاد فرمایا کہ بے شک اللہ عَزَّ  وَجَلَّ  ایک نیک بندے کا درجہ جنت میں بلندفرمائے گاتووہ کہے گاکہ اے میرے ربّ عَزَّ  وَجَلَّ! مجھے یہ  مرتبہ کیسے ملا؟ تو اللہ عَزَّ  وَجَلَّ  فرمائے گاکہ تیرے بیٹے نے تیرے لیے مغفرت کی دعامانگی ہے۔

(مشکاۃالمصابیح،کتاب الدعوات،باب الاستغفار والتوبۃ،حدیث:۲۳۵۴، ۱/ ۴۴۰)

مری آنے والی نسلیں تیرے عشق ہی میں مچلیں                 انہیں نیک تُوبنانا مدنی مدینے والے!

                                                                                                            (وسائلِ بخشش،ص۴۲۹)

صَلُّوْا عَلَی الْحَبِیْب!                                   صَلَّی اللّٰہُ تَعَالٰی عَلٰی مُحَمَّد

میٹھی میٹھی اسلامی بہنو!معلوم ہوا کہ جن  کی اَوْلاد نیک اور قرآن وسُنَّت پر عمل کرنے والی اور  حافظِ قرآن ہوگی انہیں  بروزِ قیامت  ایسا قیمتی تاج  پہنایا جائے گا جس کی روشنی سورج کی طرح ہوگی ، ایسے خوش نصیبوں کو  بیش قیمت لباس پہنایا جائے گا ۔جنت میں ان کے درجات بلند کیے جائیں گے ۔لہٰذا  خود بھی  نیک اعمال کیجئے  تلاوتِ قرآن کا معمول بنائیے،اپنے دل  میں خوفِ خدا پیدا کیجئے اور اپنی اولاد کی تَرْبِیَت  کرتے ہوئے انہیں بھی ابتدا سے خوفِ خدا کا ذہن دیجئے کہ اگر  بچپن ہی سے خوف خدا   کی دولت نصیب ہوگئی تو  زندگی بھر گناہوں کی طرف قدم بھی نہیں بڑھائیں گے۔آئیے ! بچوں میں خوفِ خدا  پیدا کرنے کیلئے اس بارے میں ایک ایمان افروز  حکایت سنئے ،چنانچہ ،

حقیقی مَدَنی مُنّے کا خوفِ خدا

ایک چار سالہ حقیقی مَدَنی مُنّا سیِّدزادہ سرِ بازار زارو قطار رو رہا تھا،کسی صاحِب نے اٰلِ رسول کی خدمت کے جذبے سے سرشار ہو کر عرض کی:شہزادے ! کیا بات ہے؟ اگر کسی چیز کی ضَرورت ہو تو حکم فرما دیجئے