قَالَ اللہُ تَبَارَکَ وَ تَعَالٰی فِی الْقُرْآنِ الْکَرِیْم (اللہ پاک پۀ قرآنِ کریم کښې فرمائي):

وَ لِتُكْمِلُوا الْعِدَّةَ وَ لِتُكَبِّرُوا اللّٰهَ عَلٰى مَا هَدٰىكُمْ وَ لَعَلَّكُمْ تَشْكُرُوْنَ(۱۸۵)

(پارہ: 2، سورۀ البقرة: 185)

صَدَقَ اللہُ الْعَظِیْم وَ صَدَقَ رَسُوْلُہُ النَّبِیُّ الْکَرِیْم صَلَّى اللهُ عَلَيْهِ وَاٰلِهٖ وَسَلَّم

[مفهوم] ترجمهٴ کنزُ العِرفان: او د پاره د دې چې تاسو پۀ دې خبره د الله لوئي والے بيان کړۍ چې هغۀ تاسو ته هدايت درکړو او چې تاسو شُکر ګزر جوړ شۍ۔

صَلُّوا عَلَی الْحَبیب!                                                                   صَلَّی اللّٰہُ عَلٰی مُحَمَّد

خوږو او محترمو اِسلامي وروڼو! د رمضان مياشت راغلې وه او آه۔۔۔!! اوس رَمَضَانُ المُبَارَک د 11 مياشتو جدائي راکړه  او لاړه ۔ خوش قِسمتو د دې مبارکې مياشتې روژې ونيولې، پۀ پابندۍ سره يـې تراويح اوکړې، د قرآنِ کريم تِلاوت يـې اوکړو، پۀ ذِکر او درود کښې يـې وخت تير کړو، ډيرې نيکۍ يـې اوکړې، د اِعتکاف خوندونه يـې واخستل، پۀ شبِ قدر کښې يـې عبادتونه اوکړل، پۀ لکونو خوش قِسمته به وي  د کومو چې د بخښنې چيټۍ نصيب شوې وي او آه۔۔۔!! مونږ ګنهګارانو بس پۀ ناراستۍ کښې ورځې تيرې کړې، پۀ نن سبا، نن سبا کولو ټوله مياشت تيره شوه، پته نۀ لګي چې پۀ راتلونکي کال کښې به مو د رَمَضَانُ المُبَارَک ليدل نصيب کيږي او که نۀ۔۔۔!!

نیکیاں کچھ نہ ہم کر سکے ہیں              آہ! عصیاں میں ہی دن کٹے ہیں

ہائے! غفلت میں تجھ کو گُزارا             اَلوَداع اَلوَداع آہ! رَمضاں