د اَلْحَمْدُ لِلّٰہ وئيلو فضيلتونه

* د الله پاک اخري نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم صحابۀ کرامو عَليهمُ الرّضوَان ته وفرمائيل: ډالونه (يعنې د دښمن د ګزار نه د بچ کيدو د پاره اِستعماليدونکې وسله) راواخلئ! صحابۀ کرامو عَليهمُ الرّضوَان عرض اوکړو: يا رسولَ الله صَلَّى اللهُ عَلَيْهِ وَاٰلِهٖ وَسَلَّم ! آيا دښمن حمله اوکړه؟ وه يـې فرمائيل: نۀ (دښمن حمله نۀ ده کړې) بلکې د دوزخ پۀ مقابله کښې خپلې تورې راواخلئ او سُبْحٰنَ اللہ والْحَمْدُ لِلّٰہ وَاَللہُ اَکْبَر! لولئ ځکه چې دا کلمات به د قيامت پۀ ورځ د مخې او شا نه ستاسو حفاظت کوي۔ ^([1])  * زمونږه خوږ نبي، مکي مَدَني آقا صَلَّى اللهُ عَلَيْهِ وَاٰلِهٖ وَسَلَّم صحابۀ کرامو عَليهمُ الرّضوَان ته وفرمائيل: آيا پۀ تاسو کښې څوک روزانه د اُحد د غر همره د عمل کولو طاقت لري؟ عرض يـې اوکړو: يا رسولَ الله صَلَّى اللهُ عَلَيْهِ وَاٰلِهٖ وَسَلَّم ! روزانه د اُحد د غر همره د عمل طاقت څوک لرلے شي؟ وه يـې فرمائيل: تاسو ټول د دې طاقت لرۍ۔ عرض يـې اوکړو: هغه څنګه؟ وه يـې فرمائيل: اَلْحَمْدُ لِلّٰہ وئيل د اُحد د غر نه زيات عظمت والا ده۔  * د حضرت ابو مالِک اشعري رَضِىَ اللهُ عَـنْهُ نه روايت دے، رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم فرمائيلي دي: اَلْحَمْدُ لِلّٰہ وئيل ميزان ډکوي۔ ^([2]) يعنې د اَلْحَمْدُ لِلّٰہ وئيلو سره دومره ثواب ميلاؤيږي چې د قيامت پۀ ورځ دا ثواب د عمل پۀ ميزان باندې کيښودے شي نو ميزان به ډک شي۔ ^([3])