الله پاک مونږ ته پۀ دې هدايت باندې د شُکر ادا کولو حکم اوکړو او د دې يـې 2 طريقې راښودلې دي: (1): د اللہ پاک تکبير وايئ! يعنې اللهُ اکبر لولئ! (2): د اللہ پاک شُکر ادا کوئ!

بيا د دې پۀ حِکمت بيانولو علامه حرَّالي رَحْمَةُ اللهِ عَلَيْه فرمائي: د رَمَضَانُ المُبَارَک نه فوراً پس اختر راځي او د اختر ورځې د خوشحالۍ ورځې وي، عام طور د اِنسان طبيعت داسې دے چې د خوشحالۍ پۀ وخت پرې غفلت راخور شي، اِنسان د الله پاک د حدونو نه اوړي، بعضې وخت خو د خوشحالۍ اِظهار د سرکشۍ پۀ انداز کښې (مثلاً پۀ شرابو څښلو، پۀ درز غوبل، پۀ چغو سورو وهلو) کوي۔ دا د خوشحالۍ ورځې داسې د غفلت طرف ته بوتلونکې دي، ځکه الله پاک د دې موقعې د پاره خصوصي تعليمات راکړل چې اے ايمان والؤ! د روژې مياشت ختمه شوه، اوس پۀ دې موقع باندې اَللہُ اَکْبَر ووايئ! د الله پاک تکبير د هغۀ لوئي والے بيان کړئ! او د ګناهونو نه پۀ بچ کيدو، پۀ نيکو کښې پۀ زړۀ لګولو، د دې درکړے شوو نعمتونو شُکر ادا کوئ! ^([1])

 د آيت نه ميلاؤيدونکي دوه اهم سبقونه

خوږو او محترمو اِسلامي وروڼو! اوس چې مونږ کومې ورځې تيروو، يعنې پۀ رَمَضَانُ المُبَارَک پسي نزدي  ورځې۔۔۔!! پۀ دې ورځو کښې دا دوه کارونه مونږ ته لازمي کول پکار دي: