نِعمت باقي پاتې کيږي۔ اخستے کيږي نۀ (2): دويم دې د پاره چې د شُکر پۀ برکت سره نِعمتونه زياتيږي، لهذا که چرې مونږ د عبادت پۀ توفيق ميلاؤيدو باندې شُکر ادا کوو نو د دې پۀ برکت به د نورو عبادتونو توفيق رانصيب کيږي۔ ^([1])

د نيکۍ حفاظت ضروري دے

سُبْحٰنَ اللہ! خوږو او محترمو اِسلامي وروڼو! زمونږه د رمضان مياشت نصيب شوه، د بخښنې والا ساعتونه مو نصيب شول، د رحمتونو والا ورځې مو نصيب شوې، اَلْحَمْدُ لِلّٰہ! خوش قِسمتو روژې ونيولې، تراويح يـې اوکړې، تلاوت يـې اوکړو، نيک کارونه يـې اوکړل، د پيشمني او د روژه ماتي برکتونه يـې حاصل کړل، دا د الله پاک عظيم نعمتونه دي، الله پاک مونږ ته د دې توفيق راعطا کړو، اوس پۀ مونږ باندې لازم دي چې پۀ دې باندې د الله پاک شُکر ادا کوو، د دې سره به اِنْ شَآءَ اللہُ الْکَرِیم! د ځان خوښۍ د آفت نه بچ شو۔

دلته يوه خبره ډيره اهمه ده، هميشه د ياد ساتلو ده، الله پاک پۀ قرآنِ کريم کښې فرمائي:

مَنْ جَآءَ بِالْحَسَنَةِ فَلَهٗ عَشْرُ اَمْثَالِهَاۚ-(پارہ:8، سورۀ الانعام:160)

[مفهوم] ترجمهٴ کنزُ العِرفان: څوک چې يوه نيکي راوړي نو د هغۀ د پاره د هغې پۀ شان 10 نيکۍ دي۔