بي حساب جنت ڏيارڻ وارا عَمَلَ

تقويٰ وارو يعني پرهيزگار هوندو. جيئن سيپارو: 12، سورت ہُود، آيت نمبر 49 ۾ ارشاد ٿيو آهي:

اِنَّ الْعَاقِبَةَ لِلْمُتَّقِیْنَ۠(۴۹) (پارو: 12، سورة ھُود: 49)

ترجموڪنز العرفان: بيشڪ سٺو انجام پرهيزگارن جي لاءِ آهي.

هڪ مقام تي الله پاڪ جنت جي باري ۾ ارشاد فرمائي ٿو:

اُعِدَّتْ لِلْمُتَّقِیْنَۙ(۱۳۳) (پارو: 4، سورة آل عمران: 133)

ترجموڪنزالعرفان:اُها پرهيزگارن جي لاءِ تيار ڪئي وئي آهي.

سُبْحٰنَ اللہ! معلوم ٿيو ته الله پاڪ جنت بڻائي ئي پرهيزگان جي لاءِ آهي، تنهنڪري جيڪو وڌيڪ متقي هوندو، ان کي جنت ۾ وڌيڪ بلند درجا نصيب ٿيندا، ان کي وڌيڪ نعمتون ملنديون.

تقويٰ ڇا آهي؟

تقويٰ ڇا کي چئبو آهي؟ اِهو به سمجهي وٺو! هڪ ڏينهن مسلمانن جي ٻئي خليفي حضرت عمر فاروقِ اعظم رَضِیَ اللهُ عَنْہُ حضرت ڪعبُ اۡلاَحۡبَار رَحْمَةُ الـلّٰـهِ عَـلَيْه کي فرمايو: اي ڪعب! ٻڌايو ته تقويٰ ڇا آهي؟ حضرت ڪعبُ اۡلاَحۡبَار رَحْمَةُ الـلّٰـهِ عَـلَيْه عرض ڪيو: اي اَمِيرالمومنين! ڇا توهان ڪڏهن اهڙي رستي تان گذريا آهيو جنهن تي ڪَنڊيدار ٽاريون هجن؟ حضرت فاروقِ اعظم رَضِیَ اللهُ عَنْہُ فرمايو: ها، بلڪل منهنجو اهڙي رستي تان گذر ٿيو آهي. حضرت ڪعب رَحْمَةُ الـلّٰـهِ عَـلَيْه عرض ڪيو: پوءِ توهان اهڙي رستي تان ڪيئن گذرندا آهيو؟ ارشاد فرمايائون: آئون ڪنڊن کان بچندو آهيان ۽ پنهنجا ڪپڙا سميٽي ڇڏيندو آهيان. حضرت ڪعب رَحْمَةُ الـلّٰـهِ عَـلَيْه عرض ڪيو: ذٰلِکَ التَّقْویٰ اي اميرالمومنين! بس اِها ئي تقويٰ آهي (This is piety).^{(^[1])}

[1]...تفسیرِ بغوی، پارہ:1، سورۂ بقرہ، زیرِ آیت:2، جلد:1، صفحہ:13۔

Important

Mobile Apps

Contact Us