طرح مسجد ۾ موبائل جي ٽون وڄڻ کان بچي سگهجي ٿو.

الله پاڪ اسان کي پنج ئي نمازون وقت تي مسجد ۾، باجماعت پهرين صف ۾ ادا ڪرڻ جي توفيق نصيب فرمائي. ڪاش! سڀني نمازن جي وقتن جو لحاظ رکڻ جي عادت بڻجي وڃي. آمِیْن بِجَاہِ خَاتَمِ النَّبِیّٖن صَلَّی اللہُ عَلَیْہِ وَ آلِہٖ وَسَلَّم 

(2) ٻيو نيڪ عمل:  تقويٰ

بي حساب جنت ڏيارڻ وارو ٻيو نيڪ عمل آهي: تقويٰ. جيڪو تقويٰ اختيار ڪندو آهي، اِنْ شَآءَ اللہُ الْکَرِیْم! الله پاڪ کيس بي حساب جنت عطا فرمائي ڇڏيندو آهي.

هن حوالي سان 3 قرآن ڪريم جون آيتون ٻڌو! الله پاڪ فرمائي ٿو:

اِنَّ الْمُتَّقِیْنَ فِیْ جَنّٰتٍ وَّ عُیُوْنٍؕ(۴۵) اُدْخُلُوْهَا بِسَلٰمٍ اٰمِنِیْنَ(۴۶) (پارہ:14، سورۂ حجر:45-46)

ترجموڪنزالعرفان: بيشڪ پرهيزگار ماڻهو باغن ۽ چشمن ۾ هوندا. (حڪم ٿيندو) ان ۾ سلامتي سان امن ۽ امان سان داخل ٿي وڃو.

هڪ ٻي هنڌ ارشاد ٿئي ٿو:

یَوْمَ نَحْشُرُ الْمُتَّقِیْنَ اِلَى الرَّحْمٰنِ وَفْدًاۙ(۸۵) (پارہ:16، سورۂ مریم:85)

ترجموڪنزالعرفان: ياد ڪيو جنهن اسان پرهيزگارن کي رحمٰن جي طرف مهمان بڻائي وٺي وينداسين.

آخرت جي ورهاست تقويٰ تي ڪئي وئي آهي

سُبْحٰنَ اللہ! معلوم ٿيو ته تقويٰ جي برڪت سان بي حساب جنت ۾ داخلا نصيب ٿي ويندي. تصوف جي مشهور ڪتاب رسَالهءِ قُشَيرِيه ۾ آهي، حضرت شيخ ڪَتاني رَحْمَةُ الـلّٰـهِ عَـلَيْه فرمائن ٿا: دنيا جي ورهاست آزمائش تي ڪئي وئي آهي ۽ آخرت جي ورهاست تقويٰ تي ڪئي وئي آهي.^([1]) يعني دنيا ۾ عزت، مرتبو ۽ مقام، بلندي، ترقي ۽ ڪاميابي ان کي ملندي آهي جيڪو وڌيڪ محنت ڪندو آهي جڏهن ته آخرت ۾ بلند درجا، وڌيڪ عزت (Honor)، اعليٰ مقام ۽ مرتبو ان کي ملندو جيڪو وڌيڪ