معاف ڪرڻ سبب جنت ۾ داخلا

حضرت ابو ہريرہ رَضِیَ اللهُ عَنْہُ کان روايت آهي ته نبي پاڪ صَلَّى اللهُ عَلَيْهِ وَاٰلِهٖ وَسَلَّم  فرمايو: جيڪو ٽن ڳالهين تي عمل ڪندو ته الله پاڪ ان جي حساب ڪتاب ۾ آساني فرمائيندو ۽ ان کي پنهنجي رحمت سان جنت ۾ داخل فرمائيندو. عرض ڪيو ويو: يارسولَ اللہ صَلَّى اللهُ عَلَيْهِ وَاٰلِهٖ وَسَلَّم، منهنجا ماءُ پيءُ اوهان تي قربان، اهي ٽي عمل ڪهڙا آهن؟ نبي پاڪ صَلَّى اللهُ عَلَيْهِ وَاٰلِهٖ وَسَلَّم فرمايو: (1): جيڪو توکي محروم ڪري تون ان کي عطا ڪر (2): جيڪو توکان تعلق ٽوڙي تون ان سان تعلق جوڙِ (3): ۽ جيڪو توتي ظلم ڪري تون ان کي معاف ڪري ڇڏ. عرض ڪيو ويو: يا نبيَ الله صَلَّى اللهُ عَلَيْهِ وَاٰلِهٖ وَسَلَّم! جڏهن مان  اِهي عمل ڪندس ته مون کي ڇا ملندو؟ نبي ڪريم صَلَّى اللهُ عَلَيْهِ وَاٰلِهٖ وَسَلَّم   فرمايو: يُدْخِلُكَ اللَّهُ الْجَنَّةَ يعني الله پاڪ توکي جنت ۾ داخل فرمائي ڇڏيندو. ^([1])

کوئی دُھتکارے یا جھاڑے بلکہ مارے صَبر کر   مت جھگڑ ، مت بُڑبُڑا ، پا اَجْر رب سے صبر کر

کرنا تم عطارؔ کے حق میں دُعائے مغفِرت اِس جہاں میں عافِیت ہو اُس جہاں میں عافِیت^([2])

سڀئي اَبُو ضَمضَم بڻجي وڃو ...!!

پيارا اسلامي ڀائرو! معاف ڪرڻ جي نسبت سان پياري محبوب آقا، مڪي مدني مصطفيٰ صَلَّى اللهُ عَلَيْهِ وَاٰلِهٖ وَسَلَّم    جي هڪ خوبصورت نصيحت ٻڌو! هيءَ نصيحت منهنجي لاءِ به آهي، اوهان جي لاءِ به آهي، زيد، عَمۡرَو، بڪر وغيره سڀني جي لاءِ آهي. سردارِ دوجهان، رحمتِ عالميان صَلَّى اللهُ عَلَيْهِ وَاٰلِهٖ وَسَلَّم    ارشاد فرمايو: ڇا توهان سڀئي اَبُو ضَمضَم جهڙا نه ٿا ٿي سگهو؟ صحابه ڪرام رَضِیَ اللهُ عَنْہم عرض ڪيو: ابو ضمضم ڪير آهي؟ فرمايائون: توهان کان اڳين ماڻهن مان هڪ شخص هو، جڏهن صبح ٿيندو هو ته هُو هِينئن چوندو هو: اي الله پاڪ! مون اڄ جي ڏينهن پنهنجي عزت ان شخص تي صدقو ڪري