بي حساب جنت ڏيارڻ وارا عَمَلَ

حديثِ پاڪ ۾ آهي: اِنَّمَا الْاَعْمَالُ بِالنِّیَّات (عملن جو دارومدار نيتن تي آهي.^{)^[1](}

اي عاشقانِ رسول! سٺين سٺين نيتن سان عمل جو ثواب وڌي ويندو آهي. اچو! بيان ٻڌڻ کان پهريان ڪجهه سٺيون سٺيون نيتون ڪري وٺون، نيت ڪريو! * الله پاڪ جي رضا جي لاءِ بيان ٻڌندس * بَاادب ويهندس * خوب تَوَجُّه سان بيان ٻڌندس * جيڪو ٻڌندس، ان کي ياد رکڻ، پاڻ عمل ڪرڻ ۽ ٻين تائين پهچائڻ جي ڪوشش ڪندس.

صَلُّوْا عَلَی الْحَبیب! صَلَّی اللّٰہُ عَلٰی مُحَمَّد

گنهگار جا اَجايا دليلَ

روايت آهي ته: قيامت جي ڏينهن هڪ شخص کي سندس اعمال نامو ڏنو ويندو ته اُهو شخص عرض ڪندو: مولا! هن ۾ جيڪو ڪجهه لکيل آهي، اهو مون نه ڪيو آهي، جنهن تي کِراماً کَاتِبِیْن (يعني عمل لکڻ وارن ملائڪن) کي گهرايو ويندو، ٻانهو عرض ڪندو: مولا! هي فرشتا آهن، هي تنهنجي حڪم جا پابند آهن، مان اُهي ئي شاهد قبول ڪندس جيڪي مون مان هجن. الله پاڪ ان ٻانهي جي زبان کي حڪم ڪندو ته منهنجي قدرت سان ڳالهاءِ! ۽ حق کان سواءِ ڪجهه به نه ڳالهائجانءِ. ان شخص جي زبان سندس سمورا سٺا ۽ خراب عمل بيان ڪري ڇڏيندي. ٻانهو ٻيهر عرض ڪندو: مولا! هيءَ زبان ئي ته آهي جيڪا اڪثر گناهه ڪرائيندي آهي، هيءَ ته هُونئن ئي منهنجي دشمن آهي، منهنجي دشمن جي شاهدي منهنجي خلاف ڪيئن معتبر ٿي سگهي ٿي؟

هاڻي الله پاڪ ٻانهي جي هٿن کي حڪم ڏيندو: اِنْطِقَا بِمَافَعَلَ عَبْدِی يعني (اي منهنجي ٻانهي جا هٿؤ!) ٻڌايو ته منهنجي ٻانهي ڪهڙا ڪهڙا عمل ڪيا آهن؟ ان جا هٿ سڀ ڪجهه سچ سچ ٻڌائي ڇڏيندا. ٻانهو ٽيون ڀيرو عرض ڪندو: مولا! هي ٻئي هٿ گڏجي هڪ شاهد آهن، ٻيو شاهد اڃان باقي آهي. الله پاڪ

[1]... بخاری، کِتَاب بَدءُ الْوَحی، صفحہ:65، حدیث:1۔

Important

Mobile Apps

Contact Us