بي حساب جنت ڏيارڻ وارا عَمَلَ

مطلب هي آهي ته اسان هن دنيا ۾ آياسين، الله پاڪ اسان کي پاڪيزہه روح عطا فرمايو، پاڪ صاف دل ڏني، هاڻي اسان هن دنيا مان گذري آخرت ڏانهن وڃي رهيا آهيون، ڄڻ ته هيءَ دنيا هڪ رستو آهي ۽ هن رستي تي ڪنڊن واريون ٽاريون آهن * هڪ پاسي شيطان آهي * هڪ پاسي نفس آهي * هڪ پاسي دنيا جي محبت آهي * هڪ پاسي مال جي محبت آهي * حسد * بغض * ڪينو * خواهش پرستي وغيرهه وغيرهه هزارين گناهه ۽ هزارين گناهن جا رستا آهن، اِهي سڀ ڄڻ ڪنڊيدار ٽاريون آهن، اسان کي زندگي جي هن سفر ۾ پنهنجي پاڪيزہه روح کي، پنهنجي دل کي انهن ڪنڊن وارين ٽارين (يعني گناهن) کان بچائيندي گذرڻو آهي، بس انهيءَ ئي شيءِ جو نالو تقويٰ آهي.

(3): معاف ڪرڻ

پيارا اسلامي ڀائرو! بي حساب جنت ڏيارڻ وارن عملن مان هڪ عمل معاف ڪرڻ به آهي.

حضرت انس بن مالڪ رَضِیَ اللهُ عَنْہُ بيان ڪن ٿا ته غيب ڄاڻڻ ۽ غيب ٻڌائڻ واري سچي نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم غيب جي خبر ڏيندي فرمايو: جڏهن قيامت جي ڏينهن ماڻهو حساب ڏيڻ جي لاءِ گڏ ٿيندا ته هڪ پڪارڻ وارو پڪاريندو: اهي ماڻهو اُٿن جن جو اجر الله پاڪ جي ذمي آهي ۽ جنت ۾ داخل ٿي وڃن. پڇيو ويندو: اهي ڪير آهن جن جو اجر الله پاڪ جي ذمي آهي؟ چيو ويندو: ماڻهن کان درگذر ڪرڻ وارا. اِهو ٻڌي هزارين ماڻهو اٿندا ۽ بغير حساب ڪتاب جي جنت ۾ داخل ٿي ويندا.^{(^[1])}

مُعاف فضل و کرم سے ہو ہر خطا یا ربّ ہو مغفِرت پئے سلطانِ اَنبیا یا ربّ

بِلا حساب ہو جنّت میں داخِلہ یا ربّ پڑوس خُلد میں سَرور کا ہو عطا یا ربّ^{(^[2])}

صَلُّوْا عَلَی الْحَبِیْب! صَلَّی اللہُ عَلٰی مُحَمَّد

[1]... معجم اوسط،جلد:1، صفحہ:542، حدیث:1998۔

[2]... وسائلِ بخشش، صفحہ:82۔

Important

Mobile Apps

Contact Us