رسول هاشمي صَلَّى اللهُ عَلَيْهِ وَاٰلِهٖ وَسَلَّم     فرمايو: الله پاڪ جو فرمان آهي ته منهنجي ٻانهي جو منهنجي ذمهءِ ڪرم تي عہد آهي ته جيڪڏهن هو وقت تي نماز قائم رکي ته مان هُن کي عذاب نه ڏيان ۽ کيس بغير حساب جي جنت ۾ داخل ڪيان. ^([1])

پڑھتے رہو نماز کہ جنّت میں جاؤ گے         ہوگا وہ تم پہ فضل کہ دیکھے ہی جاؤ گے

هن حديثِ قدسي مان ڪجهه ڳالهيون معلوم ٿيون: * پهرين ڳالهه: اِها ته وقت تي نماز جي پابندي ڪرڻ واري کي الله پاڪ عذاب نه ڏيندو * ٻي ڳالهه: اِها ته وقت تي نماز ادا ڪرڻ بغير حساب جي جنت ۾ وٺي وڃڻ وارو عمل آهي * ٽين ڳالهه: اِها ته نماز پڙهڻ تمام وڏي فضيلت وارو عمل آهي * چوٿين ڳالهه: اِها ته هر مسلمان کي نماز جي وقتن جو خيال رکڻ گهرجي، ته جيئن وقت تي نماز ادا ڪري سگهجي.

نماز وقت مقرر ڪيل فرض آهي

پيارا اسلامي ڀائرو! ياد رکو! نماز وقت مقرر ڪيل فرض آهي. يعني هر نماز جو الڳ الڳ وقت مقرر آهي، نماز هميشه انهيءَ وقت ۾ ئي ادا ڪرڻي هوندي آهي. هڪ مشهور آيت مبارڪه آهي جيڪا مسجدن ۾ به لکيل هوندي آهي بلڪه مسجدن جي گهڙيال (Clock) تي به لکيل هوندي آهي. سيپارو: 5، سورت نساء جي آيت نمبر 103 ۾ الله پاڪ ارشاد فرمائي ٿو:

اِنَّ الصَّلٰوةَ كَانَتْ عَلَى الْمُؤْمِنِیْنَ كِتٰبًا مَّوْقُوْتًا(۱۰۳)

ترجموڪنزالعرفان: بيشڪ نماز مسلمانن تي مقرر ڪيل وقت ۾ فرض آهي.

عبادت جي وقتن جي ڄاڻ رکڻ هر مسلمان تي فرضِ عين آهي

هر عاقل بالغ کي نمازن جي وقتن جو خيال رکڻ ضروري آهي. ڪجهه نمازي هن ڳالهه جي بلڪل به پرواهه (care) نه ڪندا آهن ته ڪهڙي نماز جو