Share this link via
قرآنی بیان لمبی زندگی کے فضائل
پیارے اسلامی بھائیو! موت تحفہ ہے۔ اِس سے گھبرانا نہیں چاہئے بلکہ مرنے کی تیاری کرنی چاہئے۔ موت کا تو وقت مقرر ہے، جب آنی ہے، اُس وقت آنی ہی آنی ہے، نہ ایک سیکنڈ پہلے آئے گی، نہ بعد میں۔ لہٰذا موت کی تیاری میں لگ جانا چاہئے۔ اعلیٰ حضرت رحمۃُ اللہِ علیہ کی خِدْمت میں ایک سوال ہوا، کسی نے عرض کیا: عالی جاہ...!! کہا جاتا ہے کہ موت کے لیے خوشی سے تیار رہنا چاہئے مگر بندہ ہو گنہگار، ڈر ہو کہ قبر میں اُتر کر پھنس جاؤں گا، اس لیے مرنے سے ڈرتا ہو تو کیا حکم ہے؟ اعلیٰ حضرت رحمۃُ اللہِ علیہ نے بڑا خوبصُورت جواب دیا، فرمایا: اسے چاہئے کہ گُنَاہوں سے تَوْبَہ کرے اور (چونکہ موت بارگاہِ اِلٰہی میں حاضِری کا ذریعہ ہے، لہٰذا) موت کے لیے خوشی سے تیار رہے ۔ ([1])
سُبْحٰنَ اللہ! کتنی پیاری نصیحت ہے۔ ڈاکٹر اقبال نے کہا تھا:
ہے وہی تیرے زمانے کا اِمامِ برحق
جو تجھے حاضِر و مَوجُود سے بیزار کرے
موت کے آئینے میں تجھ کو دِکھا کر رُخِ دوست
زندگی تیرے لیے اور بھی دُشوار کرے
وضاحت: یعنی تمہارے زمانے کا اِمام وہ ہے جو تمہیں اس دُنیا کی ظاہِری چمک دمک سے بیزار کر دے، دُنیا کی محبّت تمہارے دِل سے نکال دے، تمہیں یہ سمجھا دے کہ موت زندگی کا اِختتام نہیں بلکہ مَحْبوب کی بارگاہ میں حاضِری کا وقت ہے، یہ بات سمجھا کر تمہیں موت کا تمنّائی بنا دے۔
BOOK TOPIC
- درودِ پاک کی فضیلت
- آیتِ کریمہ کی مختصر وضاحت
- مرنے سے گھبرانا بُری بات ہے
- دورِ حاضِر کی 2بُرائیاں
- صحابئ رسول کا شوقِ شہادت
- موت تو تحفہ ہے
- گنہگار کیا کرے...؟
- لمبی زندگی اچھی ہے
- اَصْل اہمیت اَعْمال کی ہے
- کم عمر مگر بلند رُتبہ شخصیات
- اچھا کون ہے؟
- نیک اعمال کی دُعا کرو...!!
- زندگی کی 4اقسام
- جنّت میں پہلے جانے کا سبب
- اللہ کا محبوب بندہ
- 70صِدِّیقین کا ثواب پانے والا
- اللہ پاک کا حقیقی بندہ
- اسلام میں بوڑھا ہونے کے فضائل
- بڑھاپا نُور ہو جائے گا
- بیان کا خُلاصہ
- دارالافتاء اہلسنت ایپلی کیشن
- درست کیا ہے؟
- تھکن دُور کرنے کا روحانی علاج
