Book Name:Faizan e Khadija tul Kubra
خوږو او محترمو اِسلامي وروڼو! زمونږه د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم دا صفت هم بيان شو چې هغوئي صِله رحمۍ کولو والا دے.
د صِله معنِٰی دہ: ښيګړه او اِحسان کول. د رِحم نه مُراد: خپلولي ده. داسې د صِله رحمۍ معنیٰ شوه: خپلولي پالل، يعنې د خپلوانو سره نيکي او ښيګړه کول. الله پاک پۀ قرآنِ کريم کښې فرمائي:
وَ اٰتِ ذَا الْقُرْبٰى حَقَّهٗ (پارہ:15، سورۂ بنی اسرائیل:26)
ترجمهٴ کنزُ العِرفان: او خپلوانو ته د هغوئي حق ورکړئ.
يعنې د خپلوانو سره صِله رحمي کوئ! د هغوئي سره محبت او تعلق ساتئ! د موقعې پۀ مناسبت سره د هغوئي مدد کوئ! او د هغوئي سره ښه تعلقات ساتئ...!! (خزائن)
حضرت ابو هريره رَضِىَ اللهُ عَـنْهُ يو ځل د رسولِ عربي، مکي مَدَني صَلَّى اللهُ عَلَيْهِ وَاٰلِهٖ وَسَلَّم حديثونه مبارک بيانول، پۀ دې کښې يـې وفرمائيل: هر خپلولۍ ماتوونکے دې زمونږ د محفل نه لاړ شي. يو زلمے پاڅيدو او د خپلې [د پلار د طرفه د] ترور کره لاړو د کومې سره چې د هغۀ د ډيرو کلونو نه ورانه وه، چې کله دواړه د يو بل نه راضي شول نو هٰغه زلمي ته ترور ووئيل: تۀ لاړ شۀ او د دې د سبب پوښتنه وکړه چې اخر داسې ولې وشول؟ (يعنې د ابو هريره رَضِىَ اللهُ عَـنْهُ د اعلان څۀ حکمت دے؟) زلمے حاضر شو او چې کله يـې پوښتنه وکړه نو حضرت ابو هريره رَضِىَ اللهُ عَـنْهُ وفرمائيل چې ما د دواړو جهانو د آقا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم نه دا اوريدلي دي: پۀ کوم قوم کښې چې خپلولۍ ماتولو والا