نيا جانه مبارکه ده (5): په زنانؤ کښې د ټولو نه وړومبے هغې رَضِیَ اللہُ عنہا ایمان راوړو (6):د نبي کريم صَلَّی اللہُ عَلَیْہِ وَ آلِہٖ وَسَلَّم نه پس په اسلام کښې د ټولو نه وړومبے هغې رَضِىَ اللهُ عَـنْها نمونځ ادا کړو^([1])

صَلُّوْا عَلَی الْحَبِیْب!                   صَلَّی اللہُ عَلٰی مُحَمَّد

يو ايمان تازه کوونکے حديثِ پاک

بُخاري شريف کوم چې د حديثِ پاک د ټولو نه معتبر کتاب دے، پۀ دې کښې يو ايمان تازه کوونکے حديثِ پاک دے، زۀ د څۀ وضاحت او تشريح سره دا حديثِ پاک بيانووم، بيا د دې حديث شريف نه د ميلاؤيدونکي سبق د اوريدو سعادت حاصلوو.

زمونږه د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم   عمر 40 کاله شوے وو، د ربيع الاوَّل د مياشت نه د وحي نخښې ظاهريدل شروع شوې، هغه داسې چې نبي کريم صَلَّى اللهُ عَلَيْهِ وَاٰلِهٖ وَسَلَّم   ته رښتوني خوبونه وښودلے شول، رسول الله  صَلَّى اللهُ عَلَيْهِ وَاٰلِهٖ وَسَلَّم   چې به کوم خوبونه ليدل، هُو بَهُو هُم هٰغه څۀ به د ورځې د نبي کريم  صَلَّى اللهُ عَلَيْهِ وَاٰلِهٖ وَسَلَّم   پۀ مخکښې کيدل،څه کمې يا زياتې 6 مياشتې هم پۀ دې انداز تيرې شوې، بيا د رسول الله صَلَّى اللهُ عَلَيْهِ وَاٰلِهٖ وَسَلَّم   پۀ زړۀ کښې د تنهايۍ محبت واچولے شو. د رَمَضَانُ المُبَارَک شريف مقدسه مياشت وه، نبي کريم صَلَّى اللهُ عَلَيْهِ وَاٰلِهٖ وَسَلَّم   د خوراک څښاک څۀ سامان واخستو او غارِ حِرا ته يـې تشريف يوړلو. څه  ورځې  پۀ غارِ حِرا کښې د الله پاک پۀ ياد او عبادت کښې مصروف وو، بيا يـې کور ته تشريف راوړلو، د مسلمانانو خوږې مور جانې حضرت خديـجةُ الـکُبریٰ رَضِىَ اللهُ عَـنْها ورله بيا د خوراک څښاک څۀ سامان تيار کړو، نبي کريم صَلَّى اللهُ عَلَيْهِ وَاٰلِهٖ وَسَلَّم   بيا غارِ حِرا ته تشريف يوړلو. ډيرې ورځې هم دغه سلسله روانه وه. آخر د رَمَضَانُ المُبَارَک شريف 17 ولّسمه شپه راغله، خوږ محبوب صَلَّى اللهُ عَلَيْهِ وَاٰلِهٖ وَسَلَّم    پۀ غارِ حِرا