Book Name:Faizan e Khadija tul Kubra
خير! هٰغه يتيم ماشوم د دواړو جهانو د تاجدار، مکي مَدَني سرکار صَلَّى اللهُ عَلَيْهِ وَاٰلِهٖ وَسَلَّم پۀ خدمت کښې حاضر شو او خپل فرياد يـې وکړو.
خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم هٰغه ماشوم د ځان سره کړو او فوراً يـې د ابو جهل کور ته تشريف يوړلو. د قريشو د سردارانو خو دا خيال وو چې ابو جهل به ورنيغ شي، مَعَاذَ الله! د الله پاک د رسول صَلَّى اللهُ عَلَيْهِ وَاٰلِهٖ وَسَلَّم سره به د ګستاخۍ رويه اختيار کړي خو دا څۀ وشو...!! ابو جهل چې څنګه سرکارِ عالي وقار، مکي مَدَني تاجدار صَلَّى اللهُ عَلَيْهِ وَاٰلِهٖ وَسَلَّم وليدلو نو پۀ ادب سره يـې هغوئي ته مرحبا ووئيله او د هغوئي هر کلے يـې وکړو او فوراً يـې د يتيم مال راوړو او هغۀ ته يـې حواله کړو.
دا يـې چې وليدل نو د قريشو خلق ډير حيران پاتې شول، چې کله هغوئي د ابو جهل نه پۀ دې باره کښې پوښتنه وکړه نو هغۀ ووئيل: پۀ خُدائے مې دې قَسم وي چې ما د مُحَمَّد صَلَّى اللهُ عَلَيْهِ وَاٰلِهٖ وَسَلَّم ښي او ګڅ طرف ته يوه نيزه وليدله، زۀ ويريدم چې که ما د دوئي خبره اونه منله نو دا نيزه به ما وشلوي. ([1])
صَلُّوْا عَلَی الْحَبِیْب! صَلَّی اللہُ عَلٰی مُحَمَّد
سُبْحٰنَ اللہ! دا دے د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د يتيمانانو سره د ښيګړې انداز...!! الله پاک دې زمونږه هم توفيق نصيب کړي! کاش چې مونږه هم د يتيمانانو، غريبانو، بے وَسو مدد کوونکي جوړ شو.
اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم
د يتيم او د مسکين د پالنې فضائل
(1): د الله پاک خوږ نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم فرمائيلي دي: پۀ مسلمانانو