زِیادہ۔(مسند  احمد، ۵/۳۲۴، حدیث:۱۵۶۸۰)

صَلُّوْا عَلَی الْحَبِیْب!                    صَلَّی اللہُ  عَلٰی مُحَمَّد

بَیان سُننے کی نیّتیں:

فرمانِ مصطفےٰ صَلّی اللہُ عَلَیْہ وآلِہ وسَلَّم:اَفْضَلُ الْعَمَلِ اَلنِّيَّۃُ الصَّادِقَۃُ سچی نیت سب سے افضل عمل ہے۔ ^([1]) اے عاشقانِ رسول! ہر کام سے پہلے اچھی اچھی نیتیں کرنے کی عادت بنائیے کہ اچھی نیت بندے کو جنت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے! مثلاً نیت کیجئے!     *    عِلْم سیکھنے کے لئے پورا بیان سُنوں گا      *     با اَدب بیٹھوں گا     *    دورانِ بیان سُستی سے بچوں گا      *    اپنی اِصْلاح کے لئے بیان سُنوں گا      *    جو سُنوں گا دوسروں تک پہنچانے  کی کوشش کروں گا۔

صَلُّوْا عَلَی الْحَبِیْب!                      صَلَّی اللہُ  عَلٰی مُحَمَّد

 پیارے اسلامی بھائیو!اللہ پاک کایہ احسانِ عظیم کہ اُس نےہم پر نماز فرض فرمائی اور مسلمان مردوں کو مُعَیَّن وقت میں جماعت کےساتھ نماز ادا کرنے کا حکم ارشادفرمایااورجماعت کے ساتھ   مُعَیَّن  وقت میں نمازکی ادائیگی پردنیاوآخرت میں عظیمُ الشَّان برکات اور انعامات کا وعدہ فرمایا ہے اس کے برعکس باجماعت نماز ترک کرنے پر بے شُمار وعیدیں ارشادفرمائی ہیں۔آج ہم دعوتِ اسلامی کےتحت  ہونےوالےہفتہ وارسنتوں بھرے اجتماع میں جماعت سے نماز پڑھنے کےفضائل وبرکات کےساتھ ساتھ  جماعت  چھوڑنے کی وعیدوں کے بارے  بھی سنیں گے۔آئیے! پہلےایک حکایت سنتے ہیں ،چنانچہ