لی اور سَر پر عمامے شریف کا تاج بھی پہن لیا۔ ^{( [1] )}  

صَلُّوْا عَلَی الْحَبیب !                                                                      صَلَّی اللّٰہُ عَلٰی مُحَمَّد

پیارے اسلامی بھائیو ! یہ ہے آپ کی دعوتِ اسلامی... ! !  عشقِ رسول کی ایسی کیفیات سے لبریز ہزاروں عاشقانِ رسول الحمد للہ ! دعوتِ اسلامی کے دینی ماحول میں مِل جائیں گے۔ اللہ پاک دعوتِ اسلامی کے دِینی ماحول کی برکت سے ہم پر بھی کرم فرمائے ، کاش ! ہمیں بھی عشقِ رسول کی دولت ملے اور ہم  سچے اور باعَمَل عاشقِ رسول بننے میں کامیاب ہو جائیں۔

مثالی معاشرے کی تیسری بنیاد : عِلْمِ دِین

پیارے اسلامی بھائیو ! ایک مِثَالی اسلامی معاشرے کی تیسری اَہَم بنیاد عِلْمِ دِین ہے۔ اللہ پاک قرآنِ کریم میں ارشاد فرماتا ہے :

قُلْ هَلْ یَسْتَوِی الَّذِیْنَ یَعْلَمُوْنَ وَ الَّذِیْنَ لَا یَعْلَمُوْنَؕ   ( پارہ : 23 ، سورۂ  زُمُر : 9 )

ترجمہ کنزُ الایمان : تم فرماؤ کیا برابر ہیں جاننے والے اور انجان۔

ذرا تَصَوُّر کیجئے ! کوئی ایسا شہر ہو ، جس میں سب لوگ ہی اندھے ہوں ، کوئی آنکھوں والا نہ ہو ، کیا ایسا شہر ترقی کر سکتا ہے ؟ نہیں کر سکتا ،  ترقی کرنا تو دُور کی بات ، زندگی گزارنا ہی دُشوار ہو جائے گا۔ یہی مثال ہے عِلْم اور جہالت کی۔ جب تک معاشرے میں عِلْمِ دِین کو فروغ نہ دیا جائے ، اس وقت تک معاشرے کی اِصْلاح ہو پانا ، ایک معاشرے کا مِثَالی معاشرہ بَن سکنا انتہائی دُشْوار ہے ، آج بھی دُنیا کے نقشے پر ایسے علاقے موجود ہیں جہاں عِلْمِ دین بالکل نہ ہونے کے برابر ہے ، یہی وجہ ہے کہ وہاں نہ تہذیب ہے ، نہ ثقافت ( Culture ) ، نہ