د عثمانِ غني رَضِىَ اللهُ عَـنْهُ خوش قِسمتي

اے د خوږ نبي صَلَّى اللهُ  عَلَيْهِ وَاٰلِهٖ وَسَلَّم عاشقانو! د حضرت عثمانِ غني رَضِىَ اللهُ عَـنْهُ خوش قسمتئ ته اوګورئ! قابِلِ رشک خبره ده، خوږ رسول، رسولِ مقبول صَلَّى اللهُ عَلَيْهِ وَاٰلِهٖ وَسَلَّم ټوله شپه د هغوئي د پاره دُعا فرمائيله: يا الله! زه د عثمان نه راضي يم تۀ هم د عثمان نه راضي شه.

اللہ اَکْبَر! د چا نه چې محبوبِ خُدا، د دواړو جهانونو آقا صَلَّى اللهُ عَلَيْهِ وَاٰلِهٖ وَسَلَّم راضي شي، د هغه نور څه پکار دي...!!

خدا کی رضا چاہتے ہیں دو عالَم                                                                                          خدا  چاہتا  ہے  رضائے   مُحَمَّد ( صَلَّی اللہ عَلَیْہِ وَ آلِہٖ وَسَلَّم ) ^([1])

وضاحت: په دې شعر کښې اعلیٰ حضرت، امامِ عشق ومحبت رَحْمَةُ اللهِ عَلَيْه د هٰغه حديثِ پاک طرفته اشاره فرمائيلې ده په کوم کښې چې دا بيان دے چې د قيامت په ورځ به الله پاک ټول مخکښني او وروستي راجمع کړي او خپل محبوب ته به فرمائي: كُلُّ أَحَدٍ يَطْلُبُ رِضَايَ وَأَنَا ‌أَطْلُبُ ‌رِضَاكَ يعنې اے محبوبه صَلَّى اللهُ عَلَيْهِ وَاٰلِهٖ وَسَلَّم ! دا ټول زما رضا غواړي، خو اے زما محبوبه! زه ستا رضا غواړم. ^([2])

رضائے مصطفٰے ميلاويدل معمولي خبره نه ده

خوږو او مُحترمو اسلامي ورو ڼـو! ياد ساتئ! د محبوبِ خُدا، سرورِ انبيا صَلَّى اللهُ عَلَيْهِ وَاٰلِهٖ وَسَلَّم رضا ميلاويدل څه عامه خبره نه ده، ډير لوئے فضيلت دے. امام محمد بن محمد غزالي رَحْمَةُ اللهِ عَلَيْه فرمائي: په آخرت کښې به چې د الله پاک له طرفه جَنَّت والؤ ته د ټولو نه کوم لوئے انعام ميلاويږي، هغه د الله پاک رضا ده.