هغه کوهے واخستو او د الله پاک په لاره کښې ئې وقف کړو. ^([1])

اے الله! د عثمان د پاره جَنَّت لازم کړې

خوږو او محترمو اسلامي وروڼو! د دې مبارک کوهي په شان او عظمت باندې لکونه سلامونه چې د دې مبارک کوهي نه د الله پاک د خوږ حبيب صَلَّى اللهُ عَلَيْهِ وَاٰلِهٖ وَسَلَّم اوبه څښل هم ثابت دي. په روايتونو کښې دي: يو ځل رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم په دغه ځائے تيريدلو نو عرض اوکړے شو چې يا رسولَ الله صَلَّى اللهُ عَلَيْهِ وَاٰلِهٖ وَسَلَّم ! دا هٰغه کوهے دے کوم چې حضرت عثمانِ غني رَضِىَ اللهُ عَـنْهُ اخستے وو او صدقه کړے ئې وو. دا ئې چې واوريدل نو هغوئي صَلَّى اللهُ عَلَيْهِ وَاٰلِهٖ وَسَلَّم دُعا اوکړه: اے الله پاکه! د عثمان د پاره جَنَّت لازم کړې. بيا هغوئي صَلَّى اللهُ عَلَيْهِ وَاٰلِهٖ وَسَلَّم د هغه کوهي نه اوبه اوڅښلې او اوئې فرمائيل: په دې دَرَه کښې به ډيرې زر ډيرې چينې راووځي کومې چې به ډيرې خوږې وي خو بئرِ مُزني (يعنې بئرِ رُومه) به د هغه ټولو نه خوږ وي. ^([2])

خوږو او محترمو اسلامي وروڼو! د دې روايت نه دا هم معلومه شوه چې د مسلمانانو دريم خليفه حضرت عثمانِ غني رَضِىَ اللهُ عَـنْهُ د مسلمانانو ډير خير خوا وو، هغوئي په سخته کښې د خپلو مسلمانانو وروڼو د پاره کوهے واخستو او وقف ئې کړو.

کاش! چې د حضرت عثمانِ غني رَضِىَ اللهُ عَـنْهُ په وسيله مونږ هم خير خواهئ والا جوړ شو، * چې اُوږي مړوو او * په تږو اوبه څښو، * وَچې علاقے چرته چې د اوبو کمے وي، هلته د اوبو انتظام کوو، * د پريشان حالو په کار راشو، * کوم خلق چې غم ځپلي دي د هغوئي په غم