اَلْحَمْدُ لِلّٰہ! د عاشقانِ رسول ديني تحريک دعوتِ اسلامي جُمات جوړ کړئ تحريک هم دے او جُمات ډَک کړئ تحريک هم دے يعنې دعوتِ اسلامي جُماتونه هم جوړوي، بيا د جُمات د آبادولو او د آباد ساتلو هم پوره کوشش کوي. په ملک او بهر ملکونو کښې ئې تر اوسه پورې اَلْحَمْدُ لِلّٰہ! په سوؤنه جُماتونه جوړ کړي دي. تاسو هم په دې نيک کار کښې دعوتِ اسلامي سره مرسته اوکړئ! که همت او وَس لرئ نو ټول جُمات جوړ کړئ! که دا نه شئ کولے نو چې څومره کولے شئ د دعوتِ اسلامي سره مرسته اوکړئ! اِنْ شَآءَ اللہ الْکَرِیم! چې جُمات جوړ شي، تر سوونو کالو پورې به پکښې خلق لـمونځونه کوي او زمونږ به ثواب کيږي. الله پاک دې مونږ له د عمل کولو توفيق راکړي.

اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم .

(3): د بِئرِ رُومَه په بدله کښې جَنَّتي چينه

خوږو او محترمو اسلامي وروڼو! د مسلمانانو دريم خليفه حضرت عثمانِ غني رَضِىَ اللهُ عَـنْهُ د جَنَّت خريدار دے، هغوئي يو ځل نه بلکه څو څو ځله جَنَّت اخستے دے. په دې باره کښې يوه واقعه ډيره مشهوره ده. کله چې صحابۀ کرامو عَليهمُ الرّضوَان هجرت اوکړو او مدينے منوّرے ته راغلل نو دلته د اوبو د کمي سره مخ شو، هغه وخت په مدينۀ منوره کښې يو کوهے وو، چې هغې ته بِئرِ رُومَه وئيلے شي، د دې کوهي مالک به اوبه خرڅولې، خوږ آقا، مکي مدني مصطفٰے صَلَّى اللهُ عَلَيْهِ وَاٰلِهٖ وَسَلَّم دا ضمانت ورکړو چې دا کوهے چا د مسلمانانو د پاره وقف کړو نو هغه ته به د دې په بدله کښې جَنَّتي چينه عطا کړے شي. حضرت عثمانِ غني رَضِىَ اللهُ عَـنْهُ چې کله د دې خبرې نه خبر شو نو هغوئي رَضِىَ اللهُ عَـنْهُ