Book Name:Jannat Ke Kharidar
اوس کتل دا دي چې د الله پاک رضا څنګه ميلاويږي؟ سيدي اعلیٰ حضرت، امام اهلسنت شاه امام احمد رضا خان رَحْمَةُ اللهِ عَلَيْه فرمائي:
بَہم عَہْد باندھے ہیں وَصْلِ اَبَد کا رضائے خُدا اور رضائے محمد(صَلَّى اللهُ عَلَيْهِ وَاٰلِهٖ وَسَلَّم) ([1])
وضاحت: يوه ده د الله پاک رضا، يو ده د محبوبِ خُدا صَلَّى اللهُ عَلَيْهِ وَاٰلِهٖ وَسَلَّم رضا، دې دواړو (رضائے خُدا او رضائے مصطفٰے ) خپل مينځ کښې د هميشه هميشه د پاره دا پخه وعده کړې ده چې دواړه به يو ځائے اوسي، يعنې د چا چې د الله پاک رضا پکار وي، هغه دې محبوبِ خُدا صَلَّى اللهُ عَلَيْهِ وَاٰلِهٖ وَسَلَّم راضي کړي، د چا نه چې محبوبِ خُدا، مُحَمَّدِ مصطفٰے صَلَّى اللهُ عَلَيْهِ وَاٰلِهٖ وَسَلَّم راضي شي، الله پاک به هم د هغه نه راضي شي.
معلومه شوه د چا نه چې د الله پاک محبوب نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم راضي شي، هغه د آخرت د ټولو نه د لوئے انعام يعنې د الله پاک د رضا حقدار شي او د الله پاک په فضل سره حضرت عثمانِ غني رَضِىَ اللهُ عَـنْهُ هٰغه د اوچتې مرتبې والا صحابي دے چې رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم ټوله شپه د هغوئي د پاره دُعا اوفرمائيله چې: يا الله پاکه! زه د عثمان نه راضي يم، تۀ هم د هغه نه راضي شې.
اوس لږه اندازه اولګوئ چې! دا د حضرت عثمانِ غني رَضِىَ اللهُ عَـنْهُ څومره لوئے فضيلت دے.
اللہ سے کیا پیار ہے عثمانِ غنی کا محبوبِ خُدا یار ہے عثمانِ غنی کا
گرمی پہ یہ بازار ہے عثمانِ غنی کا اللہ خریدار ہے عثمانِ غنی کا([2])