سُبْحٰنَ اللہ! دا دے د مدينے برکت...!! مدينۀ پاک ايمان تازه کوونکے ښار دے او چې کوم عاشقان دي، د هغوئي خو ايمان د مدينے د نوم اوريدو سره هم تازه کيږي، د عاشقانو ايمان د مدينے د څيزونو په ليدو، د مدينے منورے نه د راغلو تبرکاتو په ليدلو، د مدينے منورے د کجورو د خوړلو سره په خپل ښار کښې د اوسيدو باوجود هم تازه کيږي، نو چې بيا کله هغوئي مدينے ته لاړ شي نو د ايمان د تازه کيدو به ئې څه حال وي؟

(6): مدينۀ پاک شفا ورکوونکے ښار دے

خوږو او محترمو اسلامي وروڼو! مدينه منوره چې څنګه باطن پاکوونکے، ايمان تازه کوونکے، د باطني بيمارو نه نجات ورکوونکے مبارک ښار دے، هم داسې دا پاک ښار د ظاهري بيمارو نه هم شفا ورکوونکے دے. آو جي! د مدينۀ پاک په خوږو خوږو، ښکلو ښکلو، ښو ښو نومونو کښې يو ښکلے نوم دے: اَلشَّافِیَہ يعنې شِفا ورکوونکے ښار * د الله پاک حبيب، د طبيبانو طبيب صَلَّى الله عَلَيْهِ وَاٰلِهٖ وَسَلَّم فرمائيلي دي: غُبَارُ الْمَدِیْنَۃِ شِفَاءٌ د مدينۀ پاک دوړه د شفا سبب ده. ^([1]) * په يو حديثِ پاک کښې دي، خوږ نبي، مکي مدني صَلَّى الله عَلَيْهِ وَاٰلِهٖ وَسَلَّم د قسم خوړولو سره اوفرمائيل: وَ الَّذِیْ نَفْسِیْ بِیَدِہٖ په هغه ذات مې دې قسم وي د چا په قبضۀ قدرت کښې چې زما ځان دے اِنَّ  فِیْ غُبَارِھَا شِفَاءً مِّنْ کُلِّ دَآءٍ بے شکه د مدينۀ پاک په دوړه کښې د هرې بيمارئ شفا ده. ^([2]) * د مسلم شريف حديثِ پاک دے، اُمُّ الْمُؤمِنِين، بي بي عائشه صديقه طيبه رَضِىَ الله عَـنْها فرمائي: که چرې په چا به دانه يا پوڼاقه