Book Name:Madinay Ki Barkatain
وخت راغلے دے. څوک چې مدينے ته تلي دي، لږه د هغوئي نه پوښتنه اوکړئ! د سيدي اعلیٰ حضرت رَحْمَةُ الله عَلَيْه چې دا کوم شعر دے:
منگتا کا ہاتھ اُٹھتے ہی داتا کی دَیْن تھی دُور قبول و عرض میں بس ہاتھ بھَر کی ہے
د دې شعر حقيقي تعبير په مدينۀ پاک کښې واقعي چې محسوسيږي. هلته يو نيم ځل نه بلکه بيا بيا داسې کيږي، چې څنګه په زړه کښې خيال راشي فوراً مراد پوره کړے شي، که څه مشکل راشي، څه سخته پيښه شي نو بس د یا رسولَ اللہ! وئيلو سره سمدستي مشکل حل شي.
د مرادونو پوره کيدو مختصر واقعات
په دې تعلق سره په زرګاؤ واقعات په کتابونو کښې ليکلے شوي دي، مثلاً * امام طبراني رَحْمَةُ الله عَلَيْه د خپلو دوو دوستانو سره مدينے منورے ته حاضر شو، د دوو ورځو نه نهر وو، ډوډئ ئې نه وه خوړلې، په بارګاهِ رسالت کښې ئې عرض اوکړو، خوږ آقا، مکي مدني مصطفٰے صَلَّى الله عَلَيْهِ وَاٰلِهٖ وَسَلَّم چا ته په خوب کښې تشريف راوړلو او دوئي ته ئې د ډوډئ رسولو حکم ارشاد اوفرمائيلو * حضرت احمد بن نفيس رَحْمَةُ الله عَلَيْه بارګاهِ رسالت ته اورسيدو، وږے شوے وو، د سخيانو د سخي، مکي مدني، مُحَمَّدِ عربي صَلَّى الله عَلَيْهِ وَاٰلِهٖ وَسَلَّم په خدمت کښې ئې عرض اوکړو، لږ شان وخت تير شوے وو چې يو کَس راغلے، هغه ئې د ځان سره خپل کور ته بوتلو او بهترين خوراک ئې ورته وړاندې کړو او اوئې وئيل: په مړه ګيډه ئې اوخورئ! ځکه چې مکي مدني مصطفٰے صَلَّى الله عَلَيْهِ وَاٰلِهٖ وَسَلَّم ما ته ستاسو د ميلمستيا حکم کړے دے * حضرت احمد بن محمد صُوفي رَحْمَةُ الله عَلَيْه پيدل سفر اوکړو او مدينۀ پاک ته اورسيدو، په ځنګلونو کښې د سختو مشکلاتو سره مخ