اوفرمائيل: (قيامت ته نزدې به) دجال راځي او اُحُد غر ته به خيژي او د مدينۀ پاک طرف ته به ګوري او خپلو ملګرو ته به وائي: آيا تاسو سپين محل وينئ؟ دا د احمدِ (مجتبیٰ صَلَّى الله عَلَيْهِ وَاٰلِهٖ وَسَلَّم ) جُمات دے، بیا به دجال مدينۀ پاک ته د راتللو کوشش کوي خو د مدينے منورے په ټولو لارو باندې به فرښتې د حفاظت د پاره موجودې وي (ځکه به دجال دلته نشي داخليدے) آخر به د مدينۀ پاک سره په خوا کښې په مالګينه زمکه باندې حصار شي [يعنې پړاؤ به اوکړي]، بيا به په مدينه منوره کښې 3 ځله زلزله راشي، چې د هغې نه به ټول منافقان اويريږي او د مدينے نه به اُوځي او د دجال خوا له به لاړ شي. دا یَوْمُ الخِلَاص (يعنې د مدينۀ پاک د صفائيئ) ورځ ده.

      خوږو او محترمو اسلامي وروڼو! د دې نه معلومه شوه چې مدينۀ پاک به چا بے ايمانه له په خپله زمکه پناه نه ورکوي، اګر چې بعضې منافقان يا غير مسلمه که دلته اوسيږي هم، خو قيامت ته نزدې به هغوئي ټول چڼ کړي او بهر به اُووِيستلے شي. او ورسره ورسره دا هم معلومه شوه چې څوک د مدينے رښتونې عاشقان دي، کوم چې پاخه ايمان والا دي، هغوئي په يو حال کښې هم مدينه پريښودل نه خوښوي، اوګورئ! قيامت ته نزدې به په مدينۀ پاک کښې زلزله راځي، هٰغه وخت به دلته مخلص مسلمانان هم وي، منافقان او پټ شوي کافران به هم وي، منافقان خو به د زلزلے نه اُويريږي او مدينه به پريږدي خو مخلص مسلمانان، رښتوني او پاخه عاشقان به هٰغه وخت هم مدينه نه پريږدي او هيچرته به نه ځي. سُبْحٰنَ الله دا ده د رښتينو عاشقانو او پخو مسلمانانو پيژندګلو...!!

ٹھکانا مِل گیا ہے فاتِحِ محشر کے دامن میں     مدینہ چھوڑ کر اب اُن کا دِیوانہ نَہ جائے گا