څوک چې د بيت الله د طواف 7 چکرې اولګوي او په هغې کښې څه لَغو (يعنې بيهوده) خبره اونکړي نو دا د يو غلام آزادولو برابر دي ^([1])

(3) د حضرت عبد الله ابنِ عباس رَضِىَ اللهُ عَـنْهُ نه روايت دے چې د مدينے سلطان، رحمتِ عالميان صَلَّى اللهُ عَلَيْهِ وَاٰلِهٖ وَسَلَّم فرمائيلي دي: چا چې 50 ځله طواف اوکړو د ګناهونو نه داسې اووتو لکه چې نن د خپلې مور نه پيدا شو. ^([2])

(4) په حديثِ پاک کښې دي: چا چې په باران کښې د طواف 7 چکرې اولګولې د هغه تير ګناهونه اُوبخښلے شي ^([3])

کله چې مونږ په باران کښې طواف اوکړو نو

حضرت ابو عِقال رَضِىَ اللهُ عَـنْهُ فرمائي چې يو ځل ما په باران کښې د حضرت اَنَس بن مالِک رَضِىَ اللهُ عَـنْهُ سره د بيت الله شريف طواف اوکړو کله چې مونږ د طواف کولو نه پس مقامِ ابراهيم ته حاضر شو او 2 رکعتونه مو ادا کړل نو حضرت اَنَس رَضِىَ اللهُ عَـنْهُ مونږ ته اوفرمائيل چې د نوي سر نه عمل شروع کړئ ځکه چې ستاسو بخښنه شوې ده بيا ئې اوفرمائيل چې کله مونږ د حضورِ پاک، صاحبِ لولاک صَلَّى اللهُ عَلَيْهِ وَاٰلِهٖ وَسَلَّم سره په باران کښې طواف کړے وو نو هغوئي صَلَّى اللهُ عَلَيْهِ وَاٰلِهٖ وَسَلَّم مونږ ته هم داسې فرمائيلي وو. ^([4])

د حج شوق لرونكي کار اوشو

امام ابن جوزي رَحْمَةُ اللهِ عَلَيْه فرمائي: يو عاشقِ رسول وو، د هغه حج ته د تللو ډير