ثابِته يعنې ثابته شوې کلمه، پَخه کلمه، نه ورانيدونکې کلمه، هميشه پاتې کيدونکې کلمه ده۔

کلمۀ طيبه شجرۀ طيبه ده

د کلمۀ طيبه په فضيلتونو کښې يو فضيلت دا هم دے چې الله پاک په قرآنِ کريم کښې دې مبارکې کلمې ته کلمۀ طيبه اوفرمائيله او د دې مثال ئې د پاکې وَنې سره ورکړے دے۔ الله پاک فرمائي:

اَلَمۡ تَرَ کَیۡفَ ضَرَبَ اللہُ مَثَلًا کَلِمَۃً طَیِّبَۃً  کَشَجَرَۃٍ  طَیِّبَۃٍ اَصۡلُہَا ثَابِتٌ وَّ فَرۡعُہَا فِی  السَّمَآءِ (ۙ۲۴) تُؤۡتِیۡۤ  اُکُلَہَا کُلَّ حِیۡنٍۭ  بِاِذۡنِ رَبِّہَا ؕ   وَ یَضۡرِبُ اللہُ  الۡاَمۡثَالَ لِلنَّاسِ لَعَلَّہُمۡ یَتَذَکَّرُوۡنَ (۲۵)  (پارہ:13 ، سورۂ ابراہیم:24 -25)

[مَفهُوم] ترجمهٴ کنزُالعرفان :   آيا تا اُونه ليدل چې الله د کلمے طَيِّبے څنګه مثال بيان فرمائيلے دے لکه يوه پاکيزه ونه چې وي، چې د هغې جرړه قائمه وي او د هغې خاخونه په آسمان کښې وي (۲۴) هر وخت د خپل رب په حُکم ميوه ورکوي او الله د خلقو د پاره مثالونه بيان فرمائي د پاره د دې چې هغوئي پوهه شي (۲۵)

حضرت ابنِ عباس رَضِىَ اللهُ عَـنْهُ فرمائي: په دې مبارک آيت کښې د پاکې خبرې نه مُراد لَا اِلٰہَ اِلَّا اللہُ ده۔ ^([1])

يعنې کلمۀ طيبه هغه پاکه وَنه ده د کومې جرړې چې د مسلمان په زړه کښې دي، د دې ښاخونه (يعنې د مسلمان نيکئ) تر آسمانه پورې رسي۔ نورې وَنې خو داسې دي کومې