Book Name:Kalima Taiyiba Ki Barkat
د کلمۀ طيبه تقاضې پوره کول هم ضروري دي
سُبْحٰنَ اللہ! خوږو او محترمو اسلامي وروڼو! کلمۀ طيبه څومره عظيمه کلمه ده، دا پاکه کلمه د جنّت دروازه او د جنّت د ټولو درجو کُنجي ده۔ الله پاک دې زمونږه په دې پاکه کلمه باندې استقامت نصيب کړي۔ دا خبره ښه ياده کړئ چې جنّت ته د تللو د پاره صرف کلمۀ طيبه لوستل کافي نه ده، د دې تقاضې پوره کول هم ضروري دي، هم دا رنګه د حضرت زيد بن اَرقم رَضِىَ اللهُ عَـنْهُ نه روايت دے، رسولِ ذيشان، مکي مدني سلطان صَلَّى اللهُ عَلَيْهِ وَاٰلِهٖ وَسَلَّم اوفرمائيل: چا چې په اِخلاص سره لَا اِلٰہَ اِلَّا للہُ اووئيله، هغه به جنّت ته ځي۔ صحابۀ کرامو عَليهمُ الرّضوَان عرض اوکړو: يَا رسولَ الله صَلَّى اللهُ عَلَيْهِ وَاٰلِهٖ وَسَلَّم ! د کلمۀ طيبه اِخلاص څه دے؟ اوئې فرمائيل: دا چې بنده د الله پاک د حرام کړے شوؤ څيزونو نه بچ شي۔ ([1])
يو ځل د حضرت وَهب بن مُنَبِّه رَحْمَةُ اللهِ عَلَيْه په خدمت کښې عرض اوکړے شو: آيا کلمۀ طيبه د جنّت کُنجي نه ده؟ [اوئې فرمائيل] ولې نه (کلمۀ طيبه ضرور د جنّت کُنجي ده) خو د هرې کُنجئ غاښي وي، که چرې تاسو د دغه غاښو نه بغير تالا برسيره کول غواړئ نو تالا به نه برسيره کيږي۔ ([2])
سُبْحٰنَ اللہ! څومره ښکلے مثال دے يعنې کلمۀ طيبه کُنجي ده او لمونځ، روژه، حج، زکوٰۃ وغيره عبادتونه د کُنجئ غاښي دي، ځکه که د دې کُنجئ په ذريعه د جنّت تالا برسيره کول وي نو لمونځونه به هم کول وي، روژې به هم نيول وي، که حج فرض وي نو هغه به