Book Name:Kalima Taiyiba Ki Barkat
د حضرت عثمان بن مالِک رَضِىَ اللهُ عَـنْهُ نه روايت دے، رسولِ رحمت، شفيعِ اُمّت صَلَّى اللهُ عَلَيْهِ وَاٰلِهٖ وَسَلَّم اوفرمائيل: چې کوم بنده صِرف او صِرف د الله پاک د رضا په خاطِر لَا اِلٰہَ اِلَّا اللہُ اووائي، بے شکه الله پاک په هغه باندې دوزخ حرام کړي۔ ([1])
د الله پاک آخِري نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم اوفرمائيل: مَنْ مَاتَ وَ ہُوَ یَعْلَمُ اَنَّہٗ لَا اِلٰہَ اِلَّا اللہُ دَخَلَ الْجَنَّۃِ يعنې څوک چې په دې حال کښې مړ شو چې هغه پوهيږي چې د الله پاک نه سيوا څوک د عبادت لائق نه دے نو هغه به جنّت ته ځي۔ ([2]) په يو حديث شريف کښې دي: خوږ آقا، مکي مدني مصطفٰے صَلَّى اللهُ عَلَيْهِ وَاٰلِهٖ وَسَلَّم اوفرمائيل: ثَمَنُ الْجَنّۃِ لَا اِلٰہَ اِلَّا اللہُ يعنې د جنّت قيمت لَا اِلٰہَ اِلَّا اللہُ دے۔ ([3]) په يو بَل روايت کښې دي: رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم اوفرمائيل: مَفَاتِیْحُ الْجَنَّۃِ شَہَادَۃُ لَا اِلٰہَ اِلَّا اللہُ يعنې د جنّت کُنجيانې د لَا اِلٰہَ اِلَّا اللہُ ګواهي ورکول دي۔ ([4])
يعنې په جنّت کښې مختلف ځيونه او مختلفې درجې دي، د دې ټولو درجو کُنجيانې کلمۀ طيبه لَا اِلٰہَ اِلَّا اللہُ ده۔ ([5])