الله پاک دې مونږ له د کلمې طيبې زياتې وئيلو، ژبه په ذِکر او دُرُود باندې د لمدې ساتلو توفيق راکړي۔

اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم.

د  ځنکدن په وخت باندې د کلمۀ طيبه تلقين کوئ!

د تاجدارِ رِسالت، شهنشاهِ نُبوت صَلَّى اللهُ عَلَيْهِ وَاٰلِهٖ وَسَلَّم فرمانِ عاليشان دے: لَقِّنُوْا مَوْتَاكُمْ لَا اِلٰهَ اِلَّا اللہُ خپلو مړو ته د لَا اِلٰہَ اِلَّا اللہُ تلقين کوئ۔ ^([1])

 يعنې چې څوک مري هغه ته کلمه ښائيئ داسې چې د هغه په خوا کښې په تيز آواز کلمه لولئ۔ ^([2])

د کلمې د تلقين طريقه

صدر الشريعه بدر الطريقه مفتي محمد امجد علي اعظمي رَحْمَةُ اللهِ عَلَيْه په خپل ډير ښکلي کتاب بهارِ شريعت کښې ليکي: د ځنکدن په حالت کښې چې تر څو پورې ساه تر مرئ پورې نه وي راغلې مړ کيدونکي ته تلقين کوئ يعنې د هغه سره په خوا کښې په تيز آواز اَشْھَدُ اَنْ لَّآ اِلٰہَ اِلاَّ اللہُ وَاَشْھَدُ اَنَّ مُحَمَّداً رَّسُوْلُ اللہِ لولئ خو هغه (يعنې مړ کيدونکي ته) د دې د وئيلو حکم مه کوئ۔ چې کله هغه (يعنې مړ کيدونکي) کلمه اووئيله نو تلقين پريږدئ۔ آؤ که چرې د کلمې وئيلو نه پس هغه څه خبره اوکړه نو بيا تلقين کوئ چې د هغه آخري خبره لَّآ اِلٰہَ اِلاَّ اللہُ وَاَشْھَدُ اَنَّ مُحَمَّداً رَّسُوْلُ اللہِ شي۔ ^([3])