صَلَّى اللهُ عَلَيْهِ وَاٰلِهٖ وَسَلَّم اوفرمائيل: آيا تاسو توان نه لرئ چې هره ورځ د اُحُد د غر همره عمل اوکړئ! صحابۀ کرامو عَليهمُ الرّضوَان عرض اوکړو: يا رسولَ الله صَلَّى اللهُ عَلَيْهِ وَاٰلِهٖ وَسَلَّم ! په مونږ کښې څوک داسې کولے شي؟ اوئې فرمائيل: تاسو ټول د دې توان لرئ۔ بيا ئې اوفرمائيل: يو ځل سُبْحٰنَ اللہ وئيل د اُحُد د غر نه غټه ده، يو ځل لَا اِلٰہَ اِلَّا اللہُ وئيل د اُحُد د غر نه لويه ده او يو ځل اَللہُ اَکْبَر وئيل د اُحُد د غر نه غټ دے۔ ^([1])

خوږو او محترمو اسلامي وروڼو! اندازه اولګوئ! څومره ثواب دے۔ يو ځل په سُبْحٰنَ اللہ! وئيلو ، يو ځل په لَا اِلٰہَ اِلَّا اللہُ وئيلو او يو ځل په اَللہُ اَکْبَر! وئيلو څومره وخت لګي او د دې ثواب څومره دے؟ د اُحُد د غر نه زيات۔۔۔ خو آه! چې مونږه د فضول خبرو نه وزګار شو نو ذِکرُ الله به اوکړو۔۔۔!!

وہ تو نہایت سَستا سودا بیچ رہے ہیں جنّت کا

ہم  مُفْلس  کیا  مَول  چُکائیں  اپنا  ہاتھ  ہی  خالی  ہے^([2])

د غم او پريشانئ نه د خلاصي وظيفه

د حضرت عبد الله بن عبّاس رَضِىَ اللهُ عَـنْهُ نه روايت دے، مالک او مختار نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم اوفرمائيل: کوم بنده چې دا اووائي: لَا اِلٰهَ اِلَّا اللہُ قَبْلَ كُلِّ شَيْءٍ، وَ لَا اِلٰهَ اِلَّا اللہُ يَبْقَى وَ يَفْنَى كُلُّ شَيْءٍ (يعنې د هر څيز نه مخکښې لَا اِلٰهَ اِلَّا اللہُ ده او هر څيز به فنا شي خو لَا اِلٰهَ اِلَّا اللہُ به باقې پاتې وي) هغه به د غم او پريشانئ نه محفوظ ساتلے شي۔ ^([3])