ګوري او نه به دوئي د ګناهونو نه پاکوي او د دوئي د پاره دردناک عذاب دے۔ حضرت ابو ذر غفاري رَضِىَ اللهُ عَـنْهُ عرض اوکړو: هغوئي خو مات شول او په خساره کښې پريوتل يَا رسولَ الله صَلَّى اللهُ عَلَيْهِ وَاٰلِهٖ وَسَلَّم! هغه څوک دي؟ خوږ آقا، د مدينې والا مصطفٰے صَلَّى اللهُ عَلَيْهِ وَاٰلِهٖ وَسَلَّم اوفرمائيل: (1): تهبند زوړند ساتلو والا (2): احسان يادولو والا (3): د دروغو په قسم مال خرڅولو والا۔ ^([1])

  (4): خير خواه جوړ شئ!

اے عاشقانِ رَسُول! يو ډير ښکلے مدني ګُل دے، که چرې مونږ ټول دا مدني ګُل په خپل ژوند کښې عملي طور نافذ کړو نو د اخستو او خرڅولو د ګناهونو سره سره به د نورو ډيرو ګناهونو نه هم بچ شو۔ هغه مدني ګل څه دے؟ د الله پاک خوږ او آخري نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم اوفرمائيل: لَا يُؤْمِنُ اَحَدُكُمْ، حَتَّى يُحِبَّ لِاَخِيْهِ مَا يُحِبُّ لِنَفْسِهِ يعني په تاسو کښې څوک تر هغه وخته پورې کامل مومن نشي کيدے تر څو پورې چې د خپل ورور د پاره هغه څيز خوښ نه کړي کوم چې د ځان د پاره خوښوي۔^([2])

 هر هغه يو کار، هره هغه خبره، هره هغه معامله کومه چې مونږ د خپل ځان د پاره نه خوښوو، هغه مونږ د نورو د پاره هم خوښه نه کړو او هر هغه يو کار، خبره او معامله کومه چې زمونږه خوښه ده، هغه مونږه د نورو د پاره هم خوښه کړو۔ يقين اوکړئ! دا زمونږه او زمونږه د معاشرې د ترقئ هغه راز دے، کوم چې مونږه خپل کړو نو معاشره په ورځو کښې د ترقئ بام ته رسيدے شي۔ تاسو د صحابۀ کرامو، تابعين او تبع تابعين د مبارکې زمانې تاريخ اولولئ او اوګورئ! هغه وخت مسلمانان کامياب هم وو، ترقي يافته هم وو۔ ولې؟ ځکه چې هغوئي د يو بَل خير خواه وو، د يو بَل خير غوښتلو والا وو او نتيجةً ټول د ترقئ او کاميابئ په لور روان وو، د کله نه چې زمونږ په زړونو کښې نفرتونه، نا اتفاقئ، د مال او دولت محبت راغلے دے، مونږه ورځ په ورځ د تنزلئ په لور روان يو۔ د خدائے د پاره! چې مونږه په خپل حال باندې غور اوکړو او په حديثِ پاک کښې ښودلے شوے دا عظيمُ الشَّان مدني ګل عملي طور په خپل ژوند کښې نافذ کړو چې کامِل مسلمان هغه دے کوم چې د ځان د پاره څه خوښ کړي، هغه د نورو د پاره هم خوښ کړي۔

د سودا نه کيدو عجيبه وجه

حضرت سِرِّي سقطي رَحْمَةُ اللهِ عَلَيْه يو ډير لوئي وليِ کامِل دے، هغوئي رَحْمَةُ اللهِ عَلَيْه به تجارت کولو، يو ځل هغوئي رَحْمَةُ اللهِ عَلَيْه