کيږدي او په دهوکه باندې ئې دکاندار له ورکړي او هغه نقصان اوکړي۔ دغه شان خپل مسلمان ورور له دهوکه ورکول ډيره سخته ګناه ده۔

د غلا نه زياته بده ګناه

په اِحيَاءُ العلوم کښې دي: د کوټه سِکو (يا نوټونو) رواج جوړول عام ظلم دے، د دې غټ نقصان دا دے چې دا ګناهِ جاريه [يعني روانه ګناه] جوړيدے شي، مثلاً يو کَس په دهوکه باندې چا له نقلي نوټ ورکړو، اوس به ئې هغه وړاندې چا له ورکړي، دريم به ئې څلورم له، څلورم به ئې پينځم له او هم داسې به په دهوکه باندې چليږي، داسې به دا ټول هم ګنهګاران شي او د دې ټولو ګناه به په دې وړومبي کَس وي چې هغه د دې بدئ دروازه برسيره کړه۔ ^([1])      

يو بزرګ رَحْمَةُ اللهِ عَلَيْه فرمائي: يوه کوټه سِکه (يا نقلي نوټ په دهوکې سره) چلول د سپينو زرو د 100 سِکو د پټولو نه زيات بد کار دے ځکه چې غلا يوه ګناه ده، لکه څنګه چې غَل غلا اوکړه، ګناه ختمه شوه خو د نقلي نوټ په دهوکې سره چلول بد بدعت، بده طريقه ده، کومه چې بنده په دين کښې جاري کوي (کيدے شي لکه څنګه چې ده نقلي نوټ اوچلولو، هغوئي ئې وړاندې چرته اوچلوي، هغه ئې د هغې نه وړاندې اوچلوي، داسې به دا معامله روانه وي او دا يوه ګناه به ګناهِ جاريه [روانه ګناه] جوړه شي)۔^([2])

اے عاشقانِ رَسُول! الله پاک دې مونږه د ګناهونو د آفت او نحوست نه بچ کړي۔ غور اوکړئ! څومره د بد بختئ خبره ده۔ لږ تصور خو اوکړئ! چا چې په وړومبي ځائے کښې نقلي نوټ په دهوکې سره چلولے وو، داسې هم کيدے شي چې هغه خو پخپله مړ شي خو د هغه چليدلے نقلي نوټ په مارکيټ کښې ګرځي، که چرې داسې اوشول نو په هغه پسې به قبر ته هم ګناه ور رسيږي۔ آه! څومره بدبخته دے هغه کَس کوم چې په قبر کښې پروت دے خو د هغه د ګناهونو ميټر اوس هم روان دے۔

کرلے توبہ رب کی رحمت ہے بڑی                    ورنہ قبر میں سزا ہوگی کڑی