حاضر شوم، ما پوښتنه اوکړه: اے امامه! الله پاک دې په تاسو باندې رحم اوکړي، زړونه څنګه نرميږي؟ دا پوښتنه ئې چې واوريدله نو امام احمد بن حنبل رَحْمَةُ اللهِ عَلَيْه سر مبارک ښکته کړلو، څه وخت پس ئې سر راپورته کړلو او اوئې فرمائيل: ځويه! حلال مال (زړه نرموي)۔

حضرت عمر بن صالح رَحْمَةُ اللهِ عَلَيْه فرمائي: د خپلې پوښتنې جواب مې چې واوريدلو نو واپس راغلم، په لار کښې زما سره حضرت بشر حافِي رَحْمَةُ اللهِ عَلَيْه ميلاؤ شو، ما د هغوئي رَحْمَةُ اللهِ عَلَيْه نه پوښتنه اوکړه: عالي جاه! زړه څنګه نرميږي؟ اوئې فرمائيل: د الله پاک په ذِکر سره۔ ما عرض اوکړو: [زه] د امام احمد بن حنبل رَحْمَةُ اللهِ عَلَيْه په خدمت کښې حاضر شوے ووم، د دومره اوريدلو سره حضرت بِشر حافِي رَحْمَةُ اللهِ عَلَيْه د خوشحالئ نه اوفرمائيل: واه۔۔۔ (څومره ښه خبره ده)۔ هغوئي تاسو ته څه اووئيل؟ ما عرض اوکړو: امام احمد بن حنبل رَحْمَةُ اللهِ عَلَيْه فرمائي: د حلال خوړلو سره زړه نرميږي۔ اوئې فرمائيل: امام صاحب اصلي بنياد اوښودلو (يعني اَصل دغه دے چې زړه د حلال رزق سره نرميږي)۔ حضرت عمر بن صالِح رَحْمَةُ اللهِ عَلَيْه فرمائي: بيا زما ملاقات د عبدُ الوَهّاب وَرّاق رَحْمَةُ اللهِ عَلَيْه سره اوشو، ما د هغوئي رَحْمَةُ اللهِ عَلَيْه نه هم هغه پوښتنه اوکړله: هغوئي هم اوفرمائيل: د الله پاک په ذِکر سره زړه نرميږي۔ ما عرض اوکړو: زه د امام احمد بن حنبل رَحْمَةُ اللهِ عَلَيْه په خدمت کښې حاضِر شوے ووم، د دومره اوريدلو سره د هغوئي رَحْمَةُ اللهِ عَلَيْه مخ د خوشحالئ نه روښانه شولو، اوئې فرمائيل: امام احمد رَحْمَةُ اللهِ عَلَيْه تاسو له څه جواب درکړو؟ ما عرض اوکړو: امام صاحب فرمائي: د زړه نرمي په حلال رزق کښې ده۔ حضرت عبدُ الوَهّاب وَرَّاق رَحْمَةُ اللهِ عَلَيْه هم هغه خبره اوکړه، اوئې فرمائيل: امام صاحب اصلي بنياد ښودلے دے (واقعي د حلال خوړلو نه بغير زړه هيڅکله هم نشي صفا کيدے)۔ ^([1]) 

خوږو او محترمو اسلامي ورونړو! غور اوکړئ! د 3 اوليائے کرامو ګواهي ده چې د زړه د نرمئ او صفائيئ د پاره د ټولو نه اهم څيز حلال خوړل دي۔ د دې نه اندازه اولګوئ! په اخستو او خرڅولو کښې احتياط کول، ډير په ايماندارئ سره اخستل او خرڅول څومره ضروري دي، که چرې مونږه په څيزونو اخستو او خرڅولو کښې بے احتياطي اوکړه او خدائے دې نه کړي که چرې د بَل چا څيز ناحقه زمونږ لاس ته راغلے نو دا يوه په ظاهره معمولي په نظر راتلونکې غلطي به د زړه دنيا ورانه ويجاړه کړي۔ ځکه په اخستو او خرڅولو کښې احتياط کول ډير ضروري دے۔

د زُهد په موضوع باندې نا اشنا کتاب

د امام اعظم، امام ابو حنيفه رَحْمَةُ اللهِ عَلَيْه ډير قابل شاګرد امام محمد بن حَسَن شيباني رَحْمَةُ اللهِ عَلَيْه ته يو ځل چا