د خرڅولو د پاره د 60 ديناره (يعني د سرو زرو د سِکّو) په بدل بادام واخِستل او په خپله روزنامچه کښې ئې اوليکل چې زه به دا بادام په 63 ديناره باندې خرڅووم۔ لږه موده پس بادام ګران شول، کوم بادام چې هغوئي رَحْمَةُ اللهِ عَلَيْه په 60 ديناره اخستي وو، د هغې قيمت 90 ديناره شو۔ يوه ورځ د هغوئي رَحْمَةُ اللهِ عَلَيْه خوا له يو کَس راغلے: اوئې وئيل بادام اخستل غواړم، اوئې فرمائيل: واخله! پوښتنه ئې اوکړه: په څو؟ اوئې فرمائيل: په 63 ديناره۔ ګاهک هم نيک انسان وو، هغه اووئيل: د دې بادامو قيمت خو په مارکيټ کښې 90 ديناره شوے دے۔ حضرت سِرِّي سقطي رَحْمَةُ اللهِ عَلَيْه اوفرمائيل: ما د ځان سره وعده کړې وه چې په دې بادامو کښې به 3 ديناره ګټه کووم، ځکه په مارکيټ کښي چې د دې قيمت هر څومره هم دے، ما په 60 ديناره باندې اخستي وو، اوس به ئې په 63 ديناره خرڅووم۔

اوس ګاهک وائي: زه خو به ئې په 90 ديناره اخلم۔ حضرت سِرِّي سقطي رَحْمَةُ اللهِ عَلَيْه فرمائي: زه خو به ئې په 63 ديناره خرڅووم، دواړه د يو بَل دومره خير خواه وو چې د هغه دواړو هډو سودا اونشوه، ګاهک غواړي چې دکاندار ته ګټه اورسي، دکاندار غواړي چې د ګاهک ښيګړه اوشي، بس په دې بحث کښې نه ګاهک بادام واخستل، نه حضرت سِرِّي سقطي رَحْمَةُ اللهِ عَلَيْه خرڅ کړل، آخِر ګاهک خالي لاس واپس لاړے۔ ^([1])

اُمّتِ محبوب کا یاربّ بنا دے خیر خواہ                                نفس کی  خاطِر کسی سے دل میں  میرے  ہو  نہ  بَیر

خوږو او محترمو اسلامي ورونړو! دا دے د يو بَل خير۔۔۔!! آيا مونږه داسې کوو؟ دلته خو د ګاهک او د دکاندار د جګړې موضوع څه بَله وي، ګاهک غواړي چې زه د 50 څيز په 10 روپئ واخلم او دکاندار غواړي چې زه د 50 څيز په 100 خرڅ کړم۔ نه ګاهک د دکاندار خير غواړي، نه دکاندار د ګاهک د خير سوچ کوي، بيا نتيجه څه ده؟ دهوکه ورکول، په ناپ تول کښې کمے، خيانت او داسې څيزونه په بازارونو کښې زياتيږي، زمونږه تجارت ورځ په ورځ مخ په ښکته روان دے او مسلمانان په دنيا کښې د تنزلئ په لور وړاندې روان دي۔

نہ سمجھو گے تو مِٹ جاؤ گے اے مُسلمانو!          تمہاری داستاں تک بھی نہ ہو گی داستانوں میں

مونږ ته په دې څيزونو ځان پوهه کول پکار دي! نن موقع ده، مونږ ته سميدل پکار دي! الله پاک دې مونږ له د اخستو او خرڅولو په باره کښې د ګناهونو نه د بچ کيدو او د صفا سُتهرا، د خير خواهئ والا تجارت کولو توفيق راعطا کړي۔  اٰمِيۡن بِجَاهِ النَّبِيِّ  الۡاَمِيۡن صَلَّى  اللّٰهُ عَلَيهِ وَاٰلِهٖ وَسَلَّم