Book Name:Khareed o Farokht Ki Chand Ahtiyatein
خوږو او محترمو اسلامي ورونړو! زمونږه اسلافو (بزرګانِ دين)، به د خپلو مسلمانانو ورونړو د فائدې او نقصان څومره خيال ساتلو، راځئ! يوه ډيره ښکلې ايمان تازه کوونکې واقعه اورو۔
په حضرت شيخ ابو عبد الله خياط رَحْمَةُ اللهِ عَلَيْه باندې به يو آتِش پرست [د اور عبادت کوونکي] خپلې جامې ګنډلې او هر ځل به ئې ورله په اُجرت کښې کوټه سِکه ورکوله، هغوئي به په خاموشئ سره اخستله۔ يو ځل د هغوئي رَحْمَةُ اللهِ عَلَيْه په غير موجودګئ کښې شاګرد د آتش پرست [د اور عبادت کوونکي] نه کوټه سِکه وانخستله۔ چې کله هغوئي رَحْمَةُ اللهِ عَلَيْه واپس تشريف راوړلو او پته ورته اولګيدله نو شاګرد ته ئې اوفرمائيل: تا کوټه درهم (د سپينو زرو سِکّه) ولې وانخستله؟ د تيرو ډيرو کلونو راهسې هم هغه ما له کوټه سِکه راکوي او زه ئې هم قصداً اخلم د پاره د دې چې دا هغه سِکه يو بَل مسلمان له ورنکړي۔ ([1])
الله پاک دې زمونږه هم د هغه عظيمو هستيانو د اعلیٰ سوچ برکت نصيب کړي، د ګناهونو د آفت نه مو محفوظ اوساتي۔ اٰمِيۡن بِجَاهِ النَّبِيِّ الۡاَمِيۡن صَلَّى اللّٰهُ عَلَيهِ وَاٰلِهٖ وَسَلَّم
صَلُّوۡا عَلَى الۡحَبِيۡب صَلَّى اللّٰهُ عَلٰى مُحَمَّد
په ناپ تول کښې د کمي نه ځان بچ ساتئ!
خوږو او محترمو اسلامي ورونړو! د اخستو او خرڅولو په وخت دا هم ضروري ده چې خرڅوونکے څيز پوره پوره ناپ يا تول کړي او ور ئې کړي، په دې کښې کمے نه کوي او کوم چې اخستونکے دے، په هغه باندې لازمه ده چې هغه رقم پوره ادا کړي، په دهوکه باندې د کم رقم ورکولو کوشش نه کوي۔
دا عيب خو زمونږه په بازارونو کښې ډير عام کيږي روان دے، د يوې يوې، دوه دوه روپو او کيدے شي چې هره ورځ د کروړونو اربونو روپو ټګي په اخستو او خرڅولو کښې کيږي۔ د دهوکې ورکولو، ناپ تول کښې د کمي او د ډنډې وهلو نوې نوې طريقې خلق راوباسي۔ دا د يو څوو سِکو لالچ خدائے دې نه کړي که چرې