پکار دي خو داتا حُضُور رَحْمَةُ اللهِ عَلَيْه فرمائي: د نورو اَدَب خو خامخا کول دي، د دې سره سره د خپل ځان هم اَدَب کول پکار دي۔ ولې به نه کوؤ چې زمونږه دا بدن، زمونږه دا ځان، زمونږه هر څه په حقيقت کښې زمونږه نه دي بلکه د الله پاک دي، رَبِّ کائنات فرمائي:

اِنَّ اللّٰہَ اشۡتَرٰی مِنَ الۡمُؤۡمِنِیۡنَ اَنۡفُسَہُمۡ وَ اَمۡوَالَہُمۡ   (پاره: 11، سورۀ توبه: 111)

ترجمۀ کنزُ الايمان: بے شکه الله د مسلمانانو نه د هغوئي مال او ځان اخستے دے۔

مشهور مفسرِ قرآن، حکيم الاُمَّت مفتي احمد يار خان نعيمي رَحْمَةُ اللهِ عَلَيْه د دې آيت لاندې فرمائي: چې مؤمِن له پکار دي چې دا اوګنړي چې زه او زما مال په رَبِّ کريم خرڅ کړے شوي دي، زما يو څيز هم خپل نه دے، خپل هر اندام، هر وخت او هر مال د الله پاک د خوښې مطابق استعمال کړي، ګنې بيا به خيانت کوونکے وي۔ ^([1])

الله اکبر !  خوږو او محترمو اسلامي ورونړو !  معلومه شوه چې زمونږه ځان په اَصل کښې زمونږه نه دے، د رَبِّ کريم راکړے شوے امانت دے، ځکه په مونږه باندې لازم دي چې په دې امانت کښې خيانت اونکړو بلکه د دې امانت اَدَب اوکړو۔

د خپلې بے ادبئ مثالونه

 * ځان رسوائيئ ته وړاندې کول * خپل قدر نه کول * چې خلق راپسې خندا اوکړي، داسې کار کول * د کومې په ليدو چې راپسې خلق اوخاندي، داسې حُليه خپلول * په بدن باندې اُلټا پُلټا ټيټو (نخښې) جوړول * خپله حُليه ورانول دا د ټولو نه غټ د خپلې بے ادبئ مثالونه دي۔ حُضُور داتا ګنج بخش علي هجويري رَحْمَةُ اللهِ عَلَيْه فرمائي: د خپل ځان په اَدَب کښې دي چې انسان هميسه رښتيا وائي (چې دروغ بد کار دے، ځکه د دروغو وئيلو سره خپله ژبه ګنده کول د ځان بے ادبي ده)۔ نور فرمائي: انسان له پکار دي چې کم خوراک کوي چې دغه شان بيتُ الخلا (Bath Room) ته زيات تلل نه وي، دغه شان د پردې ځيونو ته نه ګوري چې په دې کښې بے شرمي ده۔ ^([2]) امام غزالي رَحْمَةُ اللهِ عَلَيْه فرمائي: په انسان باندې د خپل ذات په آدابو کښې دي چې د جامو د صفائيئ خيال اوساتي، د مسواک کولو عادت جوړ کړي، داسې جامې نه اچوي چې خلق ورته سپک نظر اوکړي،  په تګ راتګ