د ميلمستيا آداب

داتا حُضُور رَحْمَةُ اللهِ عَلَيْه فرمائي: د ميلمستيا په آدابو کښې دي چې کله يو مسافر راشي نو انسان خوشحاله شي، د هغه احترام اوکړي، په عزّت او تعظيم سره هغه ته هر کلے اووائي۔ د الله پاک نبي، حضرت ابراهيم عَلَیْهِ السَّلَام به د خلقو ډيره ميلمستيا کوله، يو ځل يو څو فرښتې په انساني شکل کښې د هغوئي خوا له راغلې، حضرت ابراهيم عَلَیْهِ السَّلَام هغوئي اونه پيژندلې، بيا ئې هم هغوئي ته هر کلے اووئيلو، هغوئي ئې کښينولې، فوراً ئې ډوډئ تياره کړه، او ميلمنو له ئې راوړله، راغلي ميلمانه خو فرښتې وې او فرښتې خو خوراک څښاک نه کوي، چې کله فرښتو ډوډئ اونه خوړله، نو بيا هغوئي ته معلومه شوه چې دا فرښتې دي، الله پاک په قرآنِ مجيد کښې دا واقعه څه داسې بيان کړې ده:

وَ لَقَدۡ جَآءَتۡ رُسُلُنَاۤ  اِبۡرٰہِیۡمَ بِالۡبُشۡرٰی قَالُوۡا سَلٰمًا ؕ قَالَ  سَلٰمٌ  فَمَا لَبِثَ اَنۡ  جَآءَ  بِعِجۡلٍ حَنِیۡذٍ (۶۹) 

(پارہ:12،سورۂ ھود:69)

ترجمۀ کنزُ العرفان: او بے شکه زمونږه فرښتې ابراهيم ته د زيرې ورکولو د پاره راغلې۔ هغوئي سلام اوکړو نو ابراهيم سلام واخستو۔ بيا ئې لږ سعت پس يو وريت کړے شوے سخے راوړو۔

  داتا حُضُور رَحْمَةُ اللهِ عَلَيْه فرمائي: اوګورئ !  حضرت ابراهيم عَلَیْهِ السَّلَام د ميلمه نه دا پوښنه هم اونکړه چې د کوم ځائے نه راغلئ؟ چرته ځئ؟ د هغوئي نومونه څه دي؟ بس فوراً ئې په ميلمستيا کښې مصروفه شولو۔ ^([1])

مونږ له هم پکار دي چې د ميلمنو سره داسې رويه اختيار کړو، چې زمونږه خپلوان زمونږ کره ميلمانه راشي، د هغوئي خو ميلمستيا هسې هم کوو، که چرې څوک نا اشنا راشي نو چې د هغه په قدر کښې څه کوتاهي اونکړے شي۔

د ميلمستيا د پاره نور آداب بيانوي او داتا حُضُور رَحْمَةُ اللهِ عَلَيْه فرمائي: که چرې ميلمه تنهائي خوښوي نو کوربه دې هغه يواځې پريږدي ګنې بيا دې د هغه سره کښيني، د هغه سره دې خبرې اوکړي۔ ^([2])    

د ميلمستيا يو اهم اَدَب

داتا حُضُور رَحْمَةُ اللهِ عَلَيْه فرمائي: د ميلمستيا يو اَدَب دا هم دے چې ميلمه د خپل ښار د بزرګانو، نيکانو