خوږو او محترمو اسلامي ورونړو !  تاسو اوکتل !  چې داتا حُضُور رَحْمَةُ اللهِ عَلَيْه څومره ښکلي ښکلي آداب ښودلي دي، دلته دې يوې خبرې ته پام اوکړئ !  د داتا حُضُور رَحْمَةُ اللهِ عَلَيْه کتاب دے: کَشفُ المَحجُوب۔ هغوئي دا کتاب د تَصَوُّف د باريکئ ښودلو، د زړه نه د غفلت د پَردو لرې کولو، د زړه نوراني جوړولو او د الله پاک د معرفت حاصلولو د طريقې ښودلو د پاره ليکلے دے او په دې کتاب کښې هغوئي دا د ژوند آداب بيان کړي دي۔ د دې نه دا معلوميږي چې دا آداب څومره اهم دي، په دې باندې د عمل کولو په برکت سره زړه صفا کيږي، باطِن ښکلے کيږي، زړه ته د ايمان نور کوزوي او رنړا خپروي۔ مونږ له پکار دي چې د دې آدابو په اهميت ځان پوهه کړو، د رَبِّ کائنات د پاک دربار هم ښه اَدَب اوکړو، د خپل ذات د آدابو هم خيال اوساتو، د مسلمانانو اَدَب اوکړو، د دوستانو اَدَب اوکړو، د خوراک څښاک، ګرځيدو وغيره آدابو هم خيال اوساتو۔

با ادب با نصیب                                            بے ادب بے نصیب

صَلُّوۡا عَلَى الۡحَبِيۡب       صَلَّى اللّٰهُ عَلٰى مُحَمَّد

په 12 ديني کارونو کښې يو ديني کار: چوک دَرس

اَلْحَمْدُ لِلّٰہِ !  د عاشقانِ رسول ديني تحريک دعوتِ اسلامي د داسې خوږو خوږو خبرو، سُنَتونو او آدابو ويونکے، ښودونکے او په ټوله دنيا کښې د نيکئ دعوت عام کولو والا تحريک دے، تاسو هم د دعوتِ اسلامي د ديني ماحول لمن اونيسئ !  د ذيلي حلقې په 12 ديني کارونو کښې هم پوره برخه واخلئ !  اِنْ شَآءَ اللہُ الْکَرِیم !  د دين او دنيا بے شميره فائدې به مو نصيب شي۔ د ذيلې حلقې په 12 ديني کارونو کښې يو ديني کار دے: چوک درس۔

اَلْحَمْدُ لِلّٰہِ !  د دعوتِ اسلامي سره تعلق لرونکي عاشقانِ رسول په جُماتونو کښې خو دَرس ورکوي، د دې سره سره په چوک، بازار، سکول او کالج وغيره کښې هم دَرس ورکوي، د نيکئ دعوت عام کوي او د سُنَّتو پيغام عام کوي۔ راځئ !  د چوک دَرس يو مدني سپرلے اورو،

د ګناهونو نه ئې توبه نصيب شوه

د لانډهي (کراچئ پاکستان) د يو اسلامي ورور د بيان خلاصه ده چې: زمونږه په علاقه کښې د يو ويډيو سنټر مخې ته د دعوتِ اسلامي سره تعلق لرونکي اسلامي ورور به د يخنئ او ګرمئ پروا کولو بغير ښه په حوصلې سره چوک دَرس ورکولو، هغه اسلامي ورور به د ويډيو سنټر مالِک ته هم درس کښې د برخې اخستو