والِدِ اعلیٰ حضرت مولانا نقی علی خان رَحمۃُ اللہ عَلَیْہ مزید فرماتے ہیں : 9 چیزیں ہیں ، جو محبتِ اِلٰہی حاصِل کرنے میں مددگار ہیں : (1) : ہمیشہ باوُضُو رہنا کہ اس سے دِل روشن ہوتا ہے (2) : خلوت (یعنی گوشہ نشینی ، تنہائی) کہ خلوت کی مدد سے بندہ دُنیوی مشغولیات سے فارِغ ہو پاتا ہے ، اس سے حوَّاس ساکِن ہوتے ہیں ، یکسوئی کے ساتھ اللہ پاک کو یاد کرنے کا ، دِل و دماغ حاضِر رکھ کر اللہ پاک کی طرف متوجہ ہونے کا موقع ملتا ہے ، خصوصاً اگر اندھیرے مکان میں ہو تو خلوت کا زیادہ فائدہ ہوتا ہے ، جو اندھیرے میں نہ بیٹھ سکے ، اسے چاہئے کہ اپنے سَر پر کپڑا ڈال لے اور آنکھ بند کر لے ، یُوں تنہائی میں بیٹھ کر اللہ پاک کی یاد کیا کرے (3) :  سُکُوت یعنی خاموشی کہ خاموشی سے عقل روشن ہوتی ، سمجھنے کی اور یاد رکھنے کی قوَّت مضبوط ہوتی ہے (4) : بھوک (یعنی کم کھانا) (5) : بیداری (یعنی کم سونا) (6) : نفئ خواطِر؛ یعنی دِل کو فضول فکروں اور خیالات سے پاک رکھنا (7) : ہر حال میں رضائے اِلٰہی پر راضی رہنا (8) : فِکْرِ سالِم؛ یعنی شرعِی اُصُولوں کے مطابق اللہ پاک کی نعمتوں ، اس کی قدرتوں وغیرہ میں غور کرنا (9) : ذِکْرِ دائِم یعنی ہمیشہ اللہ پاک کے ذِکْر میں مَصْرُوف رہنا۔ ^([1])

یہ 9 کام جو بندہ پابندی اور استقامت سےکرے ، اللہ پاک کی رحمت سے اُمِّید ہے کہ اسے اللہ پاک کی محبت نصیب ہوجائے گی۔ اِنْ شَآءَ اللہ الْکَرِیْم!

الفت کی بھیک دے دو ، دیتا ہوں واسطہ میں صدیق  کا  عمر  کا ، عثمان  کا  علی  کا^([2])

صَلُّوْا عَلَی الْحَبیب!                                                 صَلَّی اللّٰہُ عَلٰی مُحَمَّد

پیارے اسلامی بھائیو ! بیان کو اختتام کی طرف لاتے ہوئے سنَّت کی فضیلت اور چند