Bilal Habshi Ki 8 Hikayaat

Al Quran Books Madani Channel

Magazine Courses Media

ہیں ، دُودھ بھی کافِی اُترا ہوا ہے...! اسے بتایا گیا : پہلے ایسا نہیں تھا۔ تین دِن ہوئے ہیں ، بکریوں کا دُودھ حیرت انگیز طَور پر بڑھ گیا ہے۔

روایت کے الفاظ ہیں ، ابو جہل نے یہ بات سُنی تو فوراً بولا : میں قسم کھا کر کہتا ہوں! تمہارا غُلام جو بکریاں چَراتا ہے ، اسے معلوم ہے کہ مُحَمَّد(صَلَّی اللہُ عَلَیْہِ وَاٰلِہٖ وَسَلَّم ) کہاں ہیں۔ مطلب یہ تھا کہ یُوں اچانک بکریوں کا دُودھ بڑھ جانے کی ایک ہی صُورت ہے ، وہ یہ کہ یہ بکریاں مُحَمَّد مصطفےٰ صَلَّی اللہُ عَلَیْہِ وَاٰلِہٖ وَسَلَّم کی خِدْمت میں حاضِر ہو چکی ہیں۔

اندازہ کیجئے! اَبُوجہل بدبخت کو کیسا یقین تھا ، ابو جہل جانتا تھا کہ یُوں اچانک بکریوں کا دُودھ بڑھ جانا ، ہو نہ ہو یہ کوئی معجزہ ہے اور صِرْف ایک ہی ہیں جو یہ معجزہ دکھا سکتے ہیں اور وہ ہیں : مُحَمَّد بِنْ عبد اللہ(صَلَّی اللہُ عَلَیْہِ وَاٰلِہٖ وَسَلَّم )۔ پیارے اسلامی بھائیو! اَبُوجہل کی بدبختی ، ضِدْ اور ہٹ دھرمی دیکھئے! اتنا یقین ہونے کے باوُجُود بھی اس بدانجام نے کلمہ نہیں پڑھا۔

خیر! عبد اللہ بن جُدْعان بھی کافِر تھا ، اَبُو جہل کی باتوں میں آکر اس نے عاشقِ رسول غُلام کو غار کے قریب بکریاں لے جانے سے منع کر دیا۔ غُلام تھے ، بات نہ مانتے تو کیا کرتے ، نہ چاہتے ہوئے بھی بات ماننی ہی پڑی ، اب شفیق و مہربان آقا ، مکی مدنی مصطفےٰ صَلَّی اللہُ عَلَیْہِ وَاٰلِہٖ وَسَلَّم سے جُدائی شروع ہوئی۔

ہم کہاں اور تم کہاں جاناں ہیں کئی ہجر درمیاں جاناں

آہ! سچے عاشِق رسول کے سامنے ہجر و فراق کی دیواریں کھڑی ہو گئیں ، پہلے دِن بھر دیدار کے جام پی کر آتے تھے ، آس ہوتی تھی کہ صبح ہو گی ، پھر حاضِر ہو جاؤں گا ، پھر شربتِ دیدار سے آنکھیں ٹھنڈی کر لوں گا ، مگر آہ! اب تو فِیْ الْحَال یہ آس بھی ختم ہو گئی۔

کسی کے ہجر میں جینا محال ہو گیا ہے کسے بتائیں ہمارا جو حال ہو گیا ہے

Important

Mobile Apps

Contact Us