Book Name:Susti-o-Kahili Say Nijat Kasay Milay
ولې چې صبر د سُستئ او نفس خواهش حصار کړي او د ايمان په تقاضو باندې عمل کولو کښې مدد ورکوي، ځکه ئې فرمائيلي دي چې: صبر نِيم اِيمان دے۔ ([1])
سُستي اصل کښې د رفتار وَصف دے، يو کار چې تاسو په يوه ګينټه کښې کولے شئ خو په هغې کښې غفلت اوکړئ، او د آرام طَلَبئ په وجه هغه په دوه، درې يا څلور ګينټے کښې پوره کوئ نو دا سُستي ده، کار کولو ته زړه نه کيدل، بے وجه د نن کار صبا ته پريښودل، او په داسې وئيلو چې ”اوس ئې کووم“ ”ښه کوومه ئې“ هغه کار وروستو کول، دا هُم د سُستئ يوه حِصَّه ده۔
سُستي بعضې وخت د جِسماني بيمارو په وجه وي۔ مَثَلًا * که خوب پوره نه وي نو سُستي کيږي * که ټينشن وي نو د کار رفتار سست پريوځي * که بلډ پريشر کم شي يا * شُوګر کم شي نو هُم سُستي محسوسيږي * په بدن کښې چې د وِينې يا * وِټامِن کمي راشي * خاص طور چې د وِټامِن ډي کمي وي نو بدن کښې سُستي محسوسيږي * د موسم بدليدلو هُم زمونږ په بدن اثر کيږي، د يخنئ په موسم کښې عام طور سُستي ډيره محسوسيږي۔ که د سُستئ راتللو څه داسې وجه وي نو ډاکټر نه باقاعده علاج کول پکار وي۔