Book Name:Susti-o-Kahili Say Nijat Kasay Milay
د اَلتَّحِيَّات په شكل كښې ] كښينم * كه قلم كاغذ درسره وي نو د اهمو نكاتو نوټ كولو هم نيت اوكړئ.
صَـــلُّـــوْا عَـــلَـی الْــحَـــبِــيْــب! صَـلَّـی اللهُ تَعالٰـی عَلـٰی مُـحَـمَّد
خادمِ رسول، حضرت اَنَس بِن مالِك رَضِیَ الله عَنْه نه روايت دے چې يو انصاري صحابي رَضِیَ الله عَنْهُ چې معاشي حالات ئې ډير كمزوري وو، هغه يوه ورځ د سخي آقا، مكي مدني مصطفٰى صَلَّى اللهُ عَلَيْهِ وَاٰلِهٖ وَسَلَّم په بارګاه كښې حاضر شو او د امداد سُوال ئې اوكړو.
ياد ساتئ چې! سخاوت صرف د مال تقسيمول نه دي، اصل مقصد د ضرورتمند ضرورت پوره كول دي، بعضې وخت مونږه دا ګنړو چې زمونږه ضرورت مال دے حالانكه داسې نه وي، زمونږه اصل ضرورت څه دے؟ دا الله پاك او د هغه نعمتونه تقسيموونکي رسول صَلَّى اللهُ عَلَيْهِ وَاٰلِهٖ وَسَلَّم ته معلومه وي، هغه انصاري صحابي رَضِیَ الله عَنْه هم دا ګنړل چې زما ضرورت مال دے او هغوئي د مالي امداد د پاره د خوږ آقا صَلَّى اللهُ عَلَيْهِ وَاٰلِهٖ وَسَلَّم په خدمت كښې سُوال كړے وو خو
بے خبر ہو جو غلاموں سے وہ آقا کیا ہے
يعني هغه څه مالِک وي چې د خپلو غلامانو نه بے خبره وي؟
په غيبو باندې خبردار آقا صَلَّى اللهُ عَلَيْهِ وَاٰلِهٖ وَسَلَّم ته معلومه وه چې د هغه اصل ضرورت مال نه دے بل څيز دے، خوږ آقا صَلَّى اللهُ عَلَيْهِ وَاٰلِهٖ وَسَلَّم ورته اوفرمائيل: آيا ستا په كور کښې هيڅ څيز نشته؟ هغه عرض اوكړو: زمونږ په كور كښې يوه درئ ده هغه مونږه نيمه لاندې اوغوړوو او نيمه د پاسه واغوندو، يوه پياله ده په هغې كښې اوبه څښو.