اَلْحَمْدُلِلّٰہ عَزَّوَجَلَّ يو ځل بيا دَ خوشحالو ورځې راتلونكي دي، دَ رَجَبُ الْمُرَجَّب مياشت ډير زر راتلونكي ده. په دې مُباركه مياشت کښې دَ عِبادت تُخم كرلے کيږي، په شَعْبَانُ الْمُعَظَّم کښې د پښيمانئ په اوښكو د هغې اوبه خوَر کيږي [يعني د اُوښكو اوبه وركولے] کيږي او دَ رَمَضانُ المُبارك په مياشت کښې دَ رحمت فصل ريبلے کيږي.

د درې مياشتو روژے

د رَجَبُ الْمُرَجَّب قدردانو! كه په تَعلِيم و تَعَلُّم (يعني سبق وئيلو او ښودلو) او حلال كسب [مزدورئ وغيره] کښې مو څه رُكاوټ نه راځي، مور او پلار هم بے وجهې نه منع كوي او د هيڅ چا حق تَلَفي هُم نه كيږي نو زر زر او ډير زر مسلسل د درې مياشتو يا د رَمَضانُ المُبارك د فرضو روژو سره د چا نه چې څومره كيدے شي د هغه هُمره نفلي روژو د پاره ملا اوتړئ، په پيشمني او روژه ماتي کښې د كم خوراك په ذريعه دَ خيټې قُفلِ مدينه هم اولګوئ. كاش! چې په هر كور کښې او زما په ټولو مَدارِسُ المدينه او ټولو جامِعاتُ المدينه کښې د روژو سپرلي راشي، بس د وړومبي رَجَب نه روژے نيول شروع كړئ.

د رَجَب د وړومبو درې روژو فضيلت

د رَجَب شريف د وړومبو درې ورځو د روژو د فضائِلو به څه وائې! د حضرت سَيِّدُنا عَبدُالله بنِ عَبَّاس رَضِیَ اللهُ تَعَالٰی عَنْهُمَا نه رِوايت دے دَ سركارِ مَدينه قَرارِ قَلب و سِينه صَلَّى اللهُ تَعَالٰى عَلَيْهِ وَاٰلِهٖ وَسَلَّم فرمانِ رحمت نِشان دے: ”د رَجَب د وړومبئ ورځې روژه د درې كالو كَفَّاره ده او د دويمې ورځې روژه د دوو كالو او د دريمې ورځې د يو كال كَفَّاره ده، بيا د هرې ورځې روژه دَ يوې مياشتې كَفَّاره ده.“

(اَلجامِعُ الصَّغير لِلسُّيُوطي ص ٣١١ حدِيث ٥٠٥١، فَضائِلُ شَهرِ رَجَب لِلخَلّال ص٦٤)