Book Name:Susti-o-Kahili Say Nijat Kasay Milay
(۶، ۷، ۸) دُعا کوئ، په اوداسه کښې اوسئ، د کارونو هدف جوړ کړئ
* سستئ نه بچ کيدلو د پاره دُعاګانې کوئ ځکه چې دُعا د مُؤمِن وسله ده، حُضُور نبـىِّ كريم رَءُوْفٌ رَّحِيْم صَلَّى اللهُ عَلَيْهِ وَاٰلِهٖ وَسَلَّم به د اُمَّت د تعليم د پاره دُعا غوښتله: اَللّٰہُمَّ اِنِّی اَعُوْذُ بِکَ مِنَ الْعِجْزِ وَالْکَسْلِ يا الله پاکه! زه د عاجزه کيدلو او سُستئ نه ستا پناه غواړم * په اَوداسه کښې اوسئ * هميشه د کار د پاره يو هَدَف جوړوئ * د ژوند يو مقصد جوړ کړئ او هميشه خپل مقصد په نظر کښې ساتئ۔
د الله پاک آخري نبي، مكِّـى مَدَنـى، رسولِ هاشِمي صَلَّى اللهُ عَلَيْهِ وَاٰلِهٖ وَسَلَّم د خپل اُمَّت د پاره دُعا غوښتي ده: اَللّٰہُمَّ بَارِکْ لِاُمَّتِی فِی بَکُوْرِهَا يا الله پاکه! زما د اُمَّت د سحر په وخت کښې بَرَكت واچوې۔ ([1])
اَلْحَمْدُ لِلّٰه! د سحر په وختونو کښې ډير بَرَكت وي، نو اے عاشقانِ رَسُول! خپل د سحر معمولات صحيح کړئ اِنْ شَــآءالـلّٰـه ټوله ورځ به تازه اوسئ۔ حضرتِ سَيِّدُنا اَبُو هُرَيره رَضِىَ اللهُ عَـنْهُ نه رِوايت دے چې خوږ مكِّـى مَدَنـى مُصطَفىٰ صَلَّى اللهُ عَلَيْهِ وَاٰلِهٖ وَسَلَّم اِرشاد فرمائيلے دے: چې کله تاسو کښې څوك اوده شي نو شيطان د هغه په څټ کښې درې غوټې اولګوي، په هره غوټه باندې دا خبره [د بنده] په زړه کښې کښينوي چې اوس لا شپه ډيره [پاتې] ده، اُوده شه، پس که هغه راويښ شي او د الله ذِكر اوكړي نو يوه غوټه خلاصه شي، چې اودس اوكړي نو دويمه غوټه خلاصه شي او چې لـمونځ اوكړي نو دريمه