اللهُ  عَـنْهُ د صاحبزاده حضرت سيدنا امام حسن مجتبٰى رَضِیَ الله عَنْه يو د اِيمان نه ډك حكايت واورو :

امام حسن او توبه و استغفار

      حضرت امام حسن رَضِیَ الله عَنْه يو ځل د حضرت امير مُعاويه رَضِیَ الله عَنْه خوا ته تشريف يوړلو نو هغوئي رَضِیَ الله عَنْه ته د حضرت امير مُعاويه رَضِیَ الله عَنْه يو نوكر اووئيل چې زما سره مال و دولت شته خو د اولاد د نِعمَت نه محرومه يم ، ما ته داسې يو څيز اوښائې چې هغې سره الله پاك ما ته اولاد راكړي. هغوئي رَضِیَ الله عَنْه اوفرمائيل : اِستِغْفَار لوله. هغه اِستِغْفَار تر دې پورې زيات كړو چې هره ورځ به ئې ووه سوه ځله اِستِغْفَار کولو ، د دې په بركت د هغه كس لس ځامن اوشو ، چې كله دا خبره حضرت امير مُعاويه رَضِیَ الله عَنْه ته معلومه شوه نو هغوئي رَضِیَ الله عَنْه هغه كس ته اوفرمائيل چې تاسو د حضرت امام حسن رَضِیَ الله عَنْه نه دا تپوس ولے نه وو كړے چې هغوئى رَضِیَ الله عَنْه دا عمل د كوم ځائے نه فرمائيلے وو. په دويم ځل چې كله د هغه كس د حضرت امام حسن رَضِیَ الله عَنْه سره ملاقات اوشو نو هغه ترينه تپوس اوكړو نو حضرت امام حسن رَضِیَ الله عَنْه اوفرمائيل چې تا د حضرت هُـود عَـلَيْهِ السَّلام قول نه دے اوريدلے كوم چې هغوئي فرمائيلے وو : “ وَیَزِدْكُمْ قُوَّةً اِلٰى قُوَّتِكُمْ “ (مفهوم ترجمۂ کنزالایمان : او په تاسو كښې چې څومره قوت دے د دې نه نور زيات به دركړي) او د حضرت نوح عَـلَيْهِ السَّلام دا ارشاد دِ نه دے اوريدلے : یُمْدِدْكُمْ بِاَمْوَالٍ وَّ بَنِیْنَ  (مفهوم ترجمۂ کنزالایمان : د مال او ځامنو په ذريعه به ستاسو مدد اوكړي)

يعنې د رزق د كثرت [يعني زياتوالي] او د اولاد غوښتلو د پاره ډير زيات  اِستِغْفَار كول قرآني عمل دے. (مدارک ، ہود ، تحت الآیۃ : ۵۲ ، ص۵۰۲ ، صراط الجنان ملخصاً)