د دې صفائي اِستِغفار كول دي. (مَجْمَعُ الزَّوَائِد ج۱۰ ص۳۴۶ حدیث۱۷۵۷۵)

د پريشانئ او تنګئ نه خلاصے

     د حضرت سَيِّدُنا عبدُ الله بِن عباس رَضِیَ الله عَنْهُما نه روايت دے چې د خوږ نبـي صَلَّى اللهُ عَلَيْهِ وَاٰلِهٖ وَسَلَّم فرمان مبارك دے : چا چې اِسْتِغْفار په خپل ځان لازم كړو الله پاك به د هغه هره پريشاني لرې كړي او د هرې تنګئ نه به راحت وركړي او هغه ته به د داسې ځائے نه رزق وركوي چې د هغه ځائے نه به د هغه ګمان هم نه وي. (سُنَن ابن ماجہ ج۴ ص۲۵۷ حدیث۳۸۱۹) د خوږ نبي صَلَّى اللهُ عَلَيْهِ وَاٰلِهٖ وَسَلَّم فرمان مبارك دے : څوك چې دا خبره خوښوي چې د هغه نامۀ اعمال هغه خوشحاله كړي نو هغه له پكار دي چې په اِسْتِغْفار كښې اِضافه اوكړي. (مَجْمَعُ الزَّوَائِد ج۱۰ ص۳۴۷حدیث۱۷۵۷۹) په يو بل مقام كښې خوږ آقا صَلَّى اللهُ عَلَيْهِ وَاٰلِهٖ وَسَلَّم زيرے وركوي ، فرمائي : زيرے دے د هغه د پاره څوك چې په خپله نامه اعمال كښې اِستِغفار زيات اومومي. (سُنَن ابن ماجہ ج۴ ص۲۵۷حدیث۳۸۱۸) 

     اے عاشقانِ رسول! تاسو اوليدل چې د اِستِغفار په بركت د زړونو نه زنګ لرې كيږي ، د اِستِغفار په بركت د پريشانئ او تنګ دستئ نه خلاصے نصيب كيږي ، د اِستِغفار په بركت به د بنده نامۀ اعمال هغه خوشحاله كوي ، كثرت سره اِستِغفار كولو والؤ د پاره زيرے دے. د الله پاك په بارګاه كښې زر زر رښتيني توبه اوكړئ او راروان ژوند د الله پاك او د هغه د حبيب صَلَّى اللهُ عَلَيْهِ وَاٰلِهٖ وَسَلَّم د رضا حاصلولو د پاره د سُنَّتو مطابق تير كړئ. الله پاك دِ مونږ ته د رښتيني توبے كولو توفيق را نصيب كړي. 

د اِستِغفار څه مطلب دے؟

خوږو او محترمو اسلامي ورونړو! مونږه د اِستِغْفار [يعني توبه] كولو يو څو فضائل واوريدل ، راځئ! چې په دې هُم ځان پوهه كړو چې اِستِغفار يا توبه څه ته وائي؟ د