ہے کہ مرید اپنے مر شد کے علاوہ او رسب سے اپنی توجہ ہٹادے ۔ کیونکہ اس کی امانت صرف اس کے مرشِد کے پاس ہوتی ہے ، کسی غیر کے پا س نہیں ہوتی ۔

پیارے پیارے اسلامی بھائیو!اَلْحَمْدُ لِلّٰہ اِس پُر فِتن دور میں  امیر اہلسنّت ، بانیِ دعوتِ اسلامی حضرت عَلّامہ مولانامحمد الیاس عطّارقادری دَامَتْ بَـرَکاتُہُمُ الْعَالِیَہ  کی ذات ہمارے لئے بہت بڑی نِعْمَت ہے ، جو آپ سے  مُرید ہوتا ہے ، آپ  اُسے غَوثِ پاک  رَحْمَۃُ اللّٰہ ِ عَلَیْہ کے دامنِ کرم سے وابستہ کردیتے ہیں۔ آپ  کے دامن سے لاکھوں لوگ وابستہ ہیں جن میں سے کئی ایسے مُرید ہیں  جنہیں ان کے دامن سے وابستگی کی حیرت انگیز بَرَکتیں حاصل ہوئیں ۔ انہیں نہ صرف وقتِ موت کلمہ طیبہ نصیب ہوا بلکہ جن خوش نصیبوں کی قبریں طویل مدت کے بعد کسی شرعی عذر کے باعث کھولی گئیں تو ان کے نہ صرف جسم اور کفن سلامت تھے بلکہ اَلْحَمْدُ للہ ان کی قبر وں سے خوشبو کی لپٹیں بھی آرہی تھیں۔ آپ بھی اگر کسی سے مرید نہیں ہیں توشَیْخِ طریقت ، امیر اہلسنت دَامَتْ بَـرَکاتُہُمُ الْعَالِیَہ  کے ذریعے غوثِ پاک  رَحْمَۃُ اللّٰہ ِ عَلَیْہ کے مُریدوں میں شامِل ہوجائیے۔ اللہ پاک ہم سب کو غَوثِ پاک  رَحْمَۃُ اللّٰہ ِ عَلَیْہ بلکہ تمام اَوْلِیاءُ اللہ سے سچّی مَحبَّت و عَقِیْدت رکھنے  کی تَوْفِیْق عطا فرمائے ۔                                                                                           

صاحب مزار سے بالمشافہ ملاقات کی

ایک مرتبہ اعلی حضرت امام اہلسنت امام احمد رضا خان  رَحْمَۃُ اللّٰہ ِ عَلَیْہ  پیلی بھیت تشریف لے گئے۔ حضرت مولانا شاہ وصی احمد صاحب محدث سورتی   رَحْمَۃُ اللّٰہ ِ عَلَیْہ   کے دولت خانہ پر قیام فرما   یا ۔